ധ്യാൻ ശ്രീനിവാസൻ ചിത്രം 'ചീനാ ട്രോഫി' ഒ.ടി.ടിയിൽ സ്ട്രീമിങ് ആരംഭിച്ചു

ധ്യാൻ ശ്രീനിവാസനെ നായകനാക്കി അനിൽ ലാൽ സംവിധാനം ചെയ്ത 'ചീനാ ട്രോഫി' ഒ.ടി.ടിയിൽ സ്ട്രീമിങ് ആരംഭിച്ചു.ആമസോൺ പ്രൈമിലാണ് ചിത്രമെത്തിയിരിക്കുന്നത്. ഒരു ഫാമിലി എന്റെർടെയ്നറായ ചിത്രം 2023 ഡിസംബർ എട്ടിനാണ് തിയറ്ററുകളിലെത്തിയത്. പ്രസിഡൻഷ്യൽ മൂവീസ് പ്രൈവറ്റ് ലിമിറ്റഡിന്റെ ബാനറിൽ അനൂപ് മോഹൻ, ആഷ്ലിൻ മേരി ജോയ്, ലിജോ ഉലഹന്നാൻ എന്നിവർ ചേർന്നാണ് നിർമ്മിച്ചത്.

പലഹാര കച്ചവടക്കാരനായി ധ്യാൻ ശ്രീനിവാസൻ എത്തുന്ന ചിത്രത്തിൽ പ്രശസ്ത ഷെഫ് സുരേഷ് പിള്ള സുപ്രധാന വേഷത്തിൽ പ്രത്യക്ഷപ്പെടുന്നുണ്ട്. ആൻഡ്രോയ്ഡ് കുഞ്ഞപ്പനിലെ നായിക കെന്റി, ജാഫർ ഇടുക്കി, സുധീഷ്, കെപിഎസി ലീല, ദേവിക രമേഷ്, പൊന്നമ്മ ബാബു, സുനിൽ ബാബു, ജോണി ആന്റണി, ജോർഡി പൂഞ്ഞാർ, നാരായണൻ കുട്ടി, വരദ, ബിട്ടു തോമസ് എന്നിവരാണ് മറ്റുകഥാപത്രങ്ങളെ അവതരിപ്പിക്കുന്നത്.

ഛായാഗ്രഹണം നിർവഹിച്ചിരിക്കുന്നത് സന്തോഷ് അണിമ ആണ്. ചിത്രസംയോജനം: രഞ്ജൻ എബ്രഹാം, സംഗീതം: സൂരജ് സന്തോഷ്, വർക്കി, പശ്ചാത്തലസംഗീതം: വർക്കി, സൗണ്ട് ഡിസൈൻ: അരുൺ രാമവർമ്മ, പ്രോജക്ട് ഡിസൈൻ: ബാദുഷ എൻ എം, ചീഫ് അസോസിയേറ്റ് ഡയറക്ടർ: ഉമേഷ്‌ എസ് നായർ, കലാസംവിധാനം: അസീസ് കരുവാരക്കുണ്ട്, മേക്കപ്പ്: അമൽ, സജിത്ത് വിതുര, വസ്ത്രാലങ്കാരം: ശരണ്യ, ഡിഐ: പൊയറ്റിക് പ്രിസം & പിക്സൽ, കളറിസ്റ്റ്: ശ്രീക് വാരിയർ, ഫൈനൽ മിക്സ്: നാക്ക് സ്റ്റുഡിയോ ചെന്നൈ, മിക്സ് എൻജിനീയർ: ടി ഉദയകുമാർ, പ്രൊഡക്ഷൻ കൺട്രോളർ: സനൂപ്, ഡിജിറ്റൽ മാർക്കറ്റിംഗ്: അനൂപ് സുന്ദരൻ.