കന്നഡ താരം ദിഷ പൂവ്വയ്യ മലയാളത്തിലെത്തുന്നു; ചിത്രം 'മായക്കൊട്ടാരം'

പ്രശസ്ത കന്നഡ താരം ദിഷ പൂവ്വയ്യ 'മായക്കൊട്ടാരം' എന്ന ചിത്രത്തിലൂടെ മലയാളത്തിലെത്തുന്നു. ദിഷക്കൊപ്പം കെ.എൻ. ബൈജു, റിയാസ് ഖാൻ, എന്നിവർ പ്രധാന വേഷത്തിലെത്തുന്ന ചിത്രം കെ.എൻ ബൈജുവാണ്​ തിരക്കഥയെഴുതി സംവിധാനം ചെയ്യുന്നത്​.

ജയന്‍ ചേര്‍ത്തല,തമിഴ് നടന്‍ സമ്പത്ത് രാമന്‍, മാമുക്കോയ, നാരായണന്‍ കുട്ടി, സാജു കൊടിയന്‍,കേശവ ദേവ്, കുളപ്പുളി ലീല എന്നിവര്‍ക്കൊപ്പം പുതുമുഖ നായികയും ചിത്രത്തില്‍ അഭിനയിക്കുന്നുണ്ട്.

നവഗ്രഹ സിനി ആര്‍ട്ട്സ്, ദേവ ക്രിയേഷന്‍സ് എന്നിവയുടെ ബാനറില്‍ എ.പി. കേശവദേവ് നിര്‍മ്മിക്കുന്ന ചിത്രത്തി​െൻറ ഛായാഗ്രഹണം വെങ്കിട് നിര്‍വ്വഹിക്കുന്നു.

റഫീഖ് അഹമ്മദ്, രാജീവ് ആലുങ്കല്‍, മുരുകന്‍ കാട്ടാക്കട എന്നിവരുടെ വരികള്‍ക്ക് അജയ് സരിഗമ സംഗീതം പകരുന്നു. ബിജു നാരായണന്‍, മധു ബാലകൃഷ്ണന്‍, അനുരാധ ശ്രീറാം, മാതംഗി അജിത് കുമാര്‍ എന്നിവരാണ് ഗായകര്‍.

വസ്ത്രാലങ്കാരം-സുകേഷ് താനൂര്‍, പരസ്യക്കല-മനോജ് ഡിസെെന്‍, കോ-ഡയരക്ടര്‍-ബി.പി. സുന്ദര്‍, അസോസിയേറ്റ് ഡയറക്ടര്‍-ജയരാജ്‌, അസിസ്​റ്റൻറ്​ ഡയരക്ടര്‍-ദിനു സുഗതൻ, അതുൽ കോട്ടായി, അജയ് എസ് നായർ.

ഒക്ടോബര്‍ ആദ്യം ചിത്രീകരണം ആരംഭിക്കുന്ന ഈ ചിത്രത്തിലെ ഗാനങ്ങളുടെ റെക്കോഡിങ്​ പൂര്‍ത്തിയായി. പെരുമ്പാവൂര്‍,പാലക്കാട് എന്നിവിടങ്ങളിലാണ് ലോക്കേഷന്‍. വാര്‍ത്ത പ്രചരണം -എ.എസ്. ദിനേശ്.