'കാക്കിപ്പട'ക്ക് ദുബായ് ഇന്റർനാഷണൽ സിനി കാർണിവൽ അവാർഡ്

ഷെബി ചൗഘട്ടിന്‍റെ കാക്കിപ്പട എന്ന ചിത്രത്തിന് ദുബായ് ഇന്റർനാഷണൽ ഫിലിം കാർണിവൽ അവാർഡ്. ഇന്റർനാഷണൽ നറേറ്റീവ് ഫീച്ചർ വിഭാഗത്തിലാണ് അവാർഡ് ലഭിച്ചത്.

കാലിക പ്രസക്‌തമായ വിഷയമാണ് കാക്കിപ്പടയിലൂടെ ചിത്രത്തിന്റെ രചയിതാവും സംവിധായകനുമായ ഷെബി ചൗഘട്ട് പ്രേക്ഷകർക്ക് മുന്നിൽ എത്തിച്ചത്. റിലീസ് സമയത്ത് തിയേറ്ററിലും ഒ.ടി.ടിയിലും ഏറെ പ്രേക്ഷക ശ്രദ്ധ പിടിച്ചു പറ്റിയ ചിത്രമായിരുന്നു കാക്കിപ്പട.

കുട്ടികൾക്കെതിരായ ലൈംഗിക ആക്രമണങ്ങൾ ഉണ്ടാകുമ്പോൾ ഈ സിനിമ സമൂഹ മാധ്യമങ്ങളിൽ വലിയ തോതിൽ ചർച്ച ചെയ്യപ്പെട്ടു. ഈ ചിത്രം മുന്നോട്ട് വെച്ച സന്ദേശവും സാമൂഹ്യ പ്രതിബദ്ധതയുമാണ് അവാർഡ് നിർണയ സമിതികളെ ആകർഷിച്ചത്.

ഷെജി വലിയകത്ത് നിർമ്മിച്ച കാക്കിപ്പട ആസ്ത്രേലിയയിലെ മെൽബണിൽ നടക്കുന്ന ഐ.എഫ്.എഫ്.എം 2023ലേക്കും തെരഞ്ഞെടുത്തിട്ടുണ്ട്.