ദുല്‍ഖർ ചിത്രം 'കിങ്​ ഓഫ് കൊത്ത' ടൈറ്റില്‍ പോസ്റ്റര്‍ പുറത്ത്; സംവിധാനം ജോഷിയുടെ മകൻ

സംവിധായകന്‍ ജോഷിയുടെ മകന്‍ അഭിലാഷ് ജോഷി ആദ്യമായി സംവിധാനം ചെയ്യുന്ന ചിത്രത്തി​െൻറ ടൈറ്റില്‍ പോസ്റ്റർ പുറത്തുവിട്ടു. ദുല്‍ഖര്‍ സല്‍മാന്‍ നായകനാവുന്ന ചിത്രത്തിന് 'കിങ്​ ഓഫ് കൊത്ത' എന്നാണ് പേരിട്ടിരിക്കുന്നത്.

ദുല്‍ഖറി​െൻറ നിര്‍മാണ കമ്പനിയായ വേഫെയറര്‍ ഫിലിംസാണ് ചിത്രം നിര്‍മിക്കുന്നത്. ജോഷി സംവിധാനം ചെയ്ത പൊറിഞ്ചു മറിയം ജോസി​െൻറ രചന നിര്‍വഹിച്ച അഭിലാഷ് എന്‍. ചന്ദ്രനാണ് ഈ ചിത്രത്തി​െൻറയും തിരക്കഥ ഒരുക്കുന്നത്.

കൈയില്‍ തോക്കേന്തി മാസ് ലുക്കിലുള്ള ദുല്‍ഖറി​െൻറ ചിത്രമാണ് പോസ്റ്ററിലുള്ളത്. പി.ആര്‍.ഒ. ആതിര ദില്‍ജിത്ത്. ചിത്രത്തിനെ കുറിച്ചുള്ള കൂടുതല്‍ വിവരങ്ങള്‍ പുറത്തുവിട്ടിട്ടില്ല.

ജോഷിയുടെ സിനിമകളില്‍ ഏറ്റവും കൂടുതലും നായകനായിട്ടുള്ളത് മമ്മൂട്ടിയാണ്. ഇപ്പോള്‍ മകന്‍ അഭിലാഷ് ജോഷി സംവിധാനം ചെയ്യുന്ന ചിത്രത്തില്‍ ദുല്‍ഖര്‍ നായകനാകുന്നതിനെ സിനിമാലോകം കൗതുകത്തോടെയാണ് ഉറ്റുനോക്കുന്നത്​.