സൽമാനെ വെല്ലുമോ...; ടൈഗർ 3 വില്ലനാവാൻ കിടിലൻ മേക്കോവറിൽ ഇമ്രാൻ ഹാഷ്മി, വിഡിയോ വൈറൽ
text_fields
ബോളിവുഡ് താരം ഇമ്രാൻ ഹാഷ്മി തിരിച്ചുവരവിെൻറ പാതയിലാണ്. ഒരു കാലത്തെ യുവാക്കളുടെ ഹരമായിരുന്ന താരം തുടർ പരാജയങ്ങൾ കാരണം സമീപകാലത്തായി ഫീൽഡ് ഒൗട്ടിെൻറ വക്കിലെത്തിയിരുന്നു. എന്നാൽ, 'ചെഹരേ' എന്ന ഏറ്റവും പുതിയ ചിത്രത്തിലൂടെ ഇമ്രാൻ ഗംഭീര തിരിച്ചുവരവാണ് നടത്തിയത്. അമിതാബ് ബച്ചനായിരുന്നു ചെഹ്രെയിലെ മറ്റൊരു കേന്ദ്ര കഥാപാത്രം. ചെഹ്രെയുടെ ഒടിടി റിലീസിന് പിന്നാലെ, പ്രേക്ഷകരും നിരൂപകരും ഇമ്രാൻ ഹാഷ്മിയുടെ പ്രകടനത്തെ കുറിച്ച് വാതോരാതെ പ്രശംസിക്കുന്നുണ്ട്.
അതേസമയം, താരത്തിെൻറതായി ഇനി വരാൻ പോകുന്ന ചിത്രം ടൈഗർ 3യാണ്. ഏക് താ ടൈഗർ, ടൈഗർ സിന്ദാ ഹേ എന്നീ വമ്പൻ ഹിറ്റുകൾക്ക് ശേഷം ടൈഗർ സീരീസിലേക്ക് മൂന്നാമതായി എത്തുന്ന ചിത്രമാണിത്. സൽമാൻ ഖാൻ, കത്രീന കൈഫ്, എന്നിവർ നായികാ നായകൻമാരാകുന്ന ചിത്രത്തിൽ പ്രതിനായക വേഷത്തിലാണ് ഇമ്രാൻ ഹാഷ്മിയെത്തുന്നത്.
ചിത്രത്തിൽ ഗംഭീര മേക്കോവറിലായിരിക്കും ഇമ്രാൻ ഹാഷ്മിയെ കാണാൻ കഴിയുക. അതിന് വേണ്ടി താരം മാസങ്ങളായുള്ള ട്രെയിനിങ്ങിലായിരുന്നു. ടൈഗറിൽ സൽമാെൻറ വില്ലനാകാൻ വേണ്ടിയുള്ള ജിമ്മിലെ തെൻറ കഠിനമായ വർക് ഒൗട്ട് പ്രദർശിപ്പിക്കുന്ന വിഡിയോയും താരം പങ്കുവെച്ചിട്ടുണ്ട്. 'പ്രിയപ്പെട്ട ഫാറ്റ് മരിക്കാൻ തയ്യാറായിക്കോളൂ' എന്ന അടിക്കുറിപ്പിൽ ഇമ്രാൻ പങ്കുവെച്ച വിഡിയോ ഇപ്പോൾ വൈറലാണ്.
മനീഷ് ശർമയാണ് ചിത്രം സംവിധാനം ചെയ്യുന്നത്. ബോളിവുഡ് ബാദ്ഷാ ഷാരൂഖ് ഖാൻ ടൈഗർ 3ൽ അതിഥി താരമായി എത്തുന്നുണ്ട്. വമ്പൻ ബജറ്റിൽ നിർമിക്കപ്പെടുന്ന ചിത്രത്തിൽ റോ ഏജൻറായാണ് സൽമാൻ അഭിനയിക്കുന്നത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
