സഹായങ്ങളും പ്രാർഥനകളും ബാക്കിയാക്കി ബോളിവുഡ്​ താരം ഫറാസ്​ ഖാൻ യാത്രയായി

ന്യൂഡൽഹി: ഒരു കാലത്ത്​ ബോളിവുഡിൽ തരംഗം സൃഷ്​ടിച്ച യുവ നായകൻ ഫറാസ്​ ഖാൻ (46) അന്തരിച്ചു. നടി പൂജാ ഭട്ടാണ്​ ട്വിറ്ററിലൂടെ മരണവിവരം അറിയിച്ചത്​. ഗുരുതരാവസ്ഥയിലായതിനെ തുടർന്ന്​ ബംഗളൂരുവിലെ സ്വകാര്യ ആശുപത്രിയിൽ ​ചികിത്സയിലായിരുന്നു അദ്ദേഹം.

ശ്വാസ കോശത്തിലെ അണുബാധ മൂലം കഴിഞ്ഞ ഒരുവർഷത്തോളമായി ഫറാസ്​ ഖാൻ ചികിത്സയിലായിരുന്നു. അണുബാധ മസ്​തിഷത്തിലേക്കും പടർന്നതിനെത്തുടർന്ന്​ ഫറാസ്​ ഖാനെ വെൻറിലേറ്ററിൽ പ്രവേശിപ്പിച്ചിരുന്നു. ചികിത്സക്കുള്ള പണം സ്വരൂപിക്കുന്നതിനായി സഹോദരൻ സമൂഹ മാധ്യമങ്ങളിൽ രംഗത്തെത്തുകയും പിന്നാലെ സൽമാൻ ഖാനും പൂജ ഭട്ടും സഹായമെത്തിക്കുകയും ചെയ്തു. എന്നാൽ സഹായങ്ങളും പ്രാർഥനകളും വിഫലമാക്കി അദ്ദേഹം വിടപറയുകയായിരുന്നു.

'ഭാരിച്ച ഹൃദയവേദനയോടെ ആ വാർത്ത ഞാൻ പുറത്തുവിടുകയാണ്. ഫറാസ് ഖാൻ നമ്മെ വിട്ടുപോയിരിക്കുകയാണ്​. ഇതിനേക്കാൾ നല്ല ലോകത്ത് അദ്ദേഹം സന്തോഷവാനായി ജീവിക്ക​െട്ട. ഏറ്റവും ആവശ്യമുണ്ടായിരുന്ന ഘട്ടത്തിൽ അദ്ദേഹത്തിന്​ ലഭിച്ച സഹായങ്ങൾക്കും പ്രാർത്ഥനകൾക്കും ഒരുപാട്​ നന്ദി. നിങ്ങളുടെ പ്രാർത്ഥനയിൽ അദ്ദേഹത്തി​െൻറ കുടുംബത്തേയും ഉൾപ്പെടുത്തുക. അദ്ദേഹത്തി​െൻറ ശൂന്യത ഒരിക്കലും നികത്താനാകില്ല'. -പൂജ ഭട്ട്​ ട്വിറ്ററിൽ കുറിച്ചത്​ ഇങ്ങനെയായിരുന്നു.

With a heavy heart I break the news that #FaraazKhan has left us for what I believe, is a better place.Gratitude to all for your help & good wishes when he needed it most.Please keep his family in your thoughts & prayers.The void he has left behind will be impossible to fill 🙏

— Pooja Bhatt (@PoojaB1972) November 4, 2020

1990കളുടെ മധ്യത്തിലും 2000ത്തി​െൻറ തുടക്കത്തിലും ബോളിവുഡിൽ ഫറാസ്​ ഖാന്​ നല്ലകാലമായിരുന്നു. 1996 ൽ രോഹൻ വർമയുടെ ഫരേബിലൂടെ ബോളിവുഡിലെത്തിയ ഫറാസ്​ പ്രഥ്വി, മെഹന്ദി, ദുൽഹൻ ബാനൂ ​മേൻ തേരീ, ദിൽ നെ പിർ യാദ്​ കിയാ, ചാന്ദ്​ ബുജ്​ ഗയാ തുടങ്ങിയ ​​ശ്രദ്ധേയ സിനിമകളിൽ വേഷമിട്ടിട്ടുണ്ട്​. സിനിമയിൽ അവസരം കുറഞ്ഞ ഫറാസ്​ പിന്നീട്​ ടെലിവിഷൻ സീരിയലുകളിലും വേഷമിട്ടിരുന്നു. മുൻകാല നടൻ യൂസഫ്​ ഖാ​െൻറ മകനാണ്​.

സൽമാൻ ഖാൻ ബോളിവുഡിൽ ഇരിപ്പുറപ്പിച്ച 'മേ നെ പ്യാർ കിയാ' എന്ന ചിത്രത്തിൽ നായകനാകേണ്ടിയിരുന്നത്​ ഫറാസായിരുന്നു. എന്നാൽ ചിത്രീകരണത്തിന്​ ഒരുങ്ങവേ ഫറാസിന്​ ആരോഗ്യ പ്രശ്​നങ്ങൾ അനുഭവപ്പെട്ടതിനാൽ ചിത്രത്തിലെ മുഖ്യകഥാപാത്രമായി സൽമാൻ എത്തുകയായിരുന്നു.