നാലാം നാൾ കുതിച്ച് ഉയർന്ന് ഹൃത്വിക്കിന്റെ 'ഫൈറ്റർ'; പ്രേക്ഷകർക്ക് പ്രിയങ്കരനായി ഷംഷേര് പത്താനിയ
text_fieldsഷാറൂഖ് ഖാൻ ചിത്രമായ പത്താന് ശേഷം സിദ്ധാർഥ് ആനന്ദ് സംവിധാനം ചെയ്ത ചിത്രമാണ് ഫൈറ്റർ. ഹൃത്വിക് റോഷൻ, ദീപിക പദുകോൺ എന്നിവർ പ്രധാനവേഷത്തിലെത്തിയ ചിത്രം ജനുവരി 25 നാണ് തിയറ്ററുകളിലെത്തിയത്. മികച്ച പ്രതികരണമാണ് ഫൈറ്ററിന് ലഭിക്കുന്നത്.
ഇപ്പോഴിതാ ചിത്രം 100 കോടി ക്ലബ്ബിൽ ഇടംപിടിച്ചിരിക്കുകയാണ്. നാല് ദിവസം കൊണ്ടാണ് ചിത്രം ഈ നേട്ടം സ്വന്തമാക്കിയത്. ഞായറാഴ്ച ഇന്ത്യൽ നിന്ന് മാത്രം നേടിയത് 28 കോടിയാണ്. നിലവിൽ 118 കോടിയാണ് ഫൈറ്ററിന്റെ ഇന്ത്യയിലെ ആകെ കളക്ഷൻ. മന്ദഗതിയിലാണ് ഫൈറ്ററിന്റെ പോരാട്ടം തുടങ്ങിയത്. 24 കോടിയായിരുന്നു ചിത്രത്തിന്റെ ഓപ്പണിങ് കളക്ഷൻ.രണ്ടാം ദിവസമാണ് ചിത്രം ട്രാക്കിലേക്ക് എത്തിയത്.
ഹൃത്വിക് റോഷൻ, ദീപിക പദുകോണ് എന്നിവരെ കൂടാതെ അനില് കപൂര്, കരണ് സിങ് ഗ്രോവര്, അക്ഷയ് ഒബ്റോയി, സഞ്ജീത ഷെയ്ക്ക് എന്നിവരാണ് ചിത്രത്തിലെ മറ്റുതാരങ്ങള്. എയര് ഫോഴ്സ് ഉദ്യോഗസ്ഥനായ ഷംഷേര് പത്താനിയ എന്ന കഥാപാത്രത്തെയാണ് ഹൃത്വിക് ചിത്രത്തിൽ അവതരിപ്പിച്ചിരിക്കുന്നത്. ഹൃത്വിക്കിന്റെ ഷംഷേര് പത്താനിയയെ പ്രേക്ഷകർ ഇരുകൈകളും നീട്ടി സ്വീകരിച്ചിട്ടുണ്ട്.
രമോണ് ചിബ്, സിദ്ധാര്ഥ് ആനന്ദ് എന്നിവര് ചേര്ന്നാണ് തിരക്കഥ ഒരിക്കിയത്.250 കോടി ബജറ്റിൽ ഒരുങ്ങിയ ചിത്രം നിർമിച്ചിരിക്കുന്നത് വിയാകോം 18 സ്റ്റുഡിയോസും മര്ഫ്ലിക്സ് പിക്ചേഴ്സും ചേര്ന്നാണ്. ഫൈറ്റർ തിയറ്ററിൽ പ്രദർശനം തുടരുകയാണ്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.