ഞാൻ കാർത്തിക് സുബ്ബരാജി​െൻറ ആരാധകനാണ്: ജോജു ജോർജ്

കാർത്തിക് സുബ്ബരാജ് ധനുഷ് ചിത്രം ജഗമേ തന്തിരം ഒ.ടി.ടി റിലീസിനൊരുങ്ങുന്നു. ധനുഷ് കാർത്തിക് സുബ്ബരാജ് ടീമി​െൻറ കരിയറിലെ തന്നെ വമ്പൻ പ്രൊജക്റ്റ്‌ ആയി എത്തുന്ന ജഗമേ തന്തിരത്തിൽ ധനുഷിനു പുറമെ മലയാളത്തിൽ നിന്നു സൂപ്പർ താരം ജോജുവും ഐശ്വര്യ ലക്ഷ്​മിയും പ്രധാന വേഷത്തിൽ എത്തുന്നു . ചിത്രത്തിൽ ഇവരെ കൂടാതെ ഹോളിവുഡ് താരം ജെയിംസ് കോമോയും ഒരു പ്രധാന വേഷത്തിൽ അഭിനയിക്കുന്നുണ്ട്.

ലണ്ടൻ പശ്ചാത്തലത്തിൽ ഒരുങ്ങുന്ന ജഗമേ തന്തിരത്തിൽ ശിവദോസ് എന്ന അതിശക്തനായ ഗ്യാങ്സ്റ്റർ റോളിലാണ് ജോജു ജോർജ്​ എത്തുന്നത്.

ആ അനുഭവം ജോജു വിശദീകരിക്കുന്നു:

''ഞാൻ ഒരു വലിയ കാർത്തിക് സുബ്ബരാജ് ആരാധകനാണ്. പിസ കണ്ടതിനുശേഷം ഞാൻ കാർത്തിക് സുബ്ബരാജിനെ കാണാൻ ശ്രമിച്ചു,പക്ഷെ എനിക്ക് അവസരം ലഭിച്ചില്ല. ജഗമെ തണ്ഡിറാമി​െൻറ എഡിറ്ററായ വിവേക് ​​ഹർഷൻ, ദിമൽ ഡെന്നിസ് എന്നിവരിലൂടെയാണ്​ അദ്ദേഹത്തെ കാണാനുള്ള അവസരം ലഭിച്ചത്​.അങ്ങനെയാണ്​ കാർത്തിക് എന്നോട് ഓഡിഷന് ചെല്ലാൻ പറയുന്നത്​.കാരണം ഇത് ഒരു വലിയ കഥാപാത്രമാണ്. അദ്ദേഹം എന്നോട് ഒരു രംഗം വിവരിക്കുകയും എന്നോട് അഭിനയിക്കാൻ ആവശ്യപ്പെടുകയും ചെയ്​തു. തമിഴിലെ ഡയലോഗുകൾ ഞാൻ പറഞ്ഞു. അദ്ദേഹം എന്നെ നോക്കി പുഞ്ചിരിച്ചുവെന്നും ജോജു പറഞ്ഞു.

പിന്നെ സിനിമയിൽ എ​െൻറ പ്രതിനായകൻ ഒരു വലിയ ഹോളിവുഡ് നടൻ ജെയിംസ് കോസ്മോ സർ ആയിരിക്കും എന്ന് എനിക്കറിയാമായിരുന്നു. അദ്ദേഹത്തിനൊപ്പം അഭിനയിക്കുക എന്നത് എനിക്ക് ഒരു വലിയ അവസരമായിരുന്നു "

ജൂൺ 18നു 190 രാജ്യങ്ങളിലായി നെറ്റ്​ഫ്ലിക്​സിലുടെയാണ്​ ജഗമേ തന്തിരം റിലീസ് ചെയ്യുന്നത്​.വാർത്ത പ്രചരണം എ.എസ് ദിനേശ്.