ഇന്ത്യൻ 2'ന്റെ അവസാനം മൂന്നാം ഭാഗത്തിന്റെ ട്രെയിലർ; 'ഇന്ത്യൻ 3' ആറ് മാസത്തിനുള്ളിൽ
text_fieldsഇന്ത്യൻ സിനിമാ ലോകം ആകാംക്ഷയോടെ കാത്തിരുന്ന കമൽ ഹാസൻ ചിത്രമാണ് ഇന്ത്യൻ 2. 1996-ൽ പുറത്തിറങ്ങിയ ‘ഇന്ത്യൻ’ എന്ന ചിത്രത്തിന്റെ രണ്ടാംഭാഗമാണിത്. ചിത്രം തിയറ്ററുകളിലെത്തിയിട്ടുണ്ട്.
ഇപ്പോഴിതാ ചിത്രത്തിന്റെ മൂന്നാം ഭാഗത്തെക്കുറിച്ച് സംവിധായകൻ ശങ്കർ പറഞ്ഞ വാക്കുകൾ സോഷ്യൽ മീഡിയയിൽ ഇടംപിടിക്കുകയാണ്. ഇന്ത്യൻ 2 ന്റെ അവസാനം മൂന്നാം ഭാഗത്തിന്റെ ട്രെയിലർ കാണിക്കുമെന്നും ആറ് മാസത്തിനുള്ളിൽ ചിത്രം തിയറ്ററിലെത്തുമെന്നുമാണ് സംവിധായകൻ പറയുന്നത്.
'എല്ലാം നല്ല രീതിയിൽ നടന്നാൽ ആറുമാസത്തിനുള്ളിൽ ഇന്ത്യൻ 3 റിലീസ് ചെയ്യും. വി.എഫ്.എക്സ് വർക്കുകൾ തീർന്നാൽ അത് നടക്കും. അതോടൊപ്പം മറ്റൊരു കാര്യം കൂടി പറയട്ടെ, ഇന്ത്യൻ 3യുടെ ട്രെയിലർ ഇന്ത്യൻ 2ന്റെ അവസാനം പ്രദർശിപ്പിക്കും'- പ്രസ്മീറ്റിൽ ശങ്കർ പറഞ്ഞു.ഇന്ത്യൻ 2 ന് പിന്നാലെ മൂന്നാം ഭാഗവും തിയറ്ററിലെത്തുമെന്ന് നടൻ കമൽ ഹാസനും നേരത്തെ പറഞ്ഞിരുന്നു.
ഇന്ത്യൻ 2 ന്റെ സംഗീത സംവിധാനം നിർവഹിച്ചിരിക്കുന്നത് അനിരുദ്ധ് രവിചന്ദറാണ്.രവി വർമ്മനാണ് ഛായാഗ്രഹണം ശ്രീകർ പ്രസാദാണ് ചിത്രത്തിന്റെ എഡിറ്റിങ്.അൻപറിവ് മാസ്റ്റേഴ്സ് ആക്ഷൻ കൊറിയോഗ്രഫി ചെയ്തിരിക്കുന്നത്.ലൈക്ക പ്രൊഡക്ഷൻസിന്റെ ബാനറിൽ സുഭാസ്ക്കരനും രാജ്കമൽ ഫിലിംസ് ഇന്റർനാഷണലും ഉദയനിധി സ്റ്റാലിന്റെ റെഡ് ജയന്റ് മൂവീസും ചേർന്നാണ് ചിത്രം നിർമിച്ചിരിക്കുന്നത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.