ജോൺ എബ്രഹാം പ്രവാസി അവാർഡ് മനോജ് കാനക്ക്

കോഴിക്കോട്: ഖത്തറിലെ സാംസ്ക്കാരിക സംഘടനയായ ജോൺ എബ്രഹാം സാംസ്ക്കാരിക വേദി ഏർപ്പെടുത്തിയ ജോൺ എബ്രഹാം പ്രവാസി അവാർഡ് സംവിധായകൻ മനോജ് കാനക്ക് നൽകും. 50,000 രൂപയും പ്രശസ്തി പത്രവും അടങ്ങുന്നതാണ് അവാർഡ്. ജി.പി രാമചന്ദ്രൻ, സി.എസ് വെങ്കിടേശ്വരൻ, വി.ടി മുരളി, നവാസ് പൂനൂർ എന്നിവരടങ്ങുന്ന സമിതിയാണ് ജേതാവിനെ തെരഞ്ഞെടുത്തത്.

ചായില്യം, അമീബ, കെഞ്ചിറ എന്നീ സിനിമകളാണ് അവാർഡ് നൽകുന്നതിനായി ജൂറി പരിഗണിച്ചത്. സാധാരണയായി ഖത്തറിൽ വെച്ച് നടക്കുന്ന പരിപാടിയാണെങ്കിലും കോവിഡ് സാഹചര്യത്തിൽ ജൂലൈ അവസാനം കേരളത്തിൽ വെച്ച് അവാർഡ് ദാന പരിപാടി നടത്താനാണ് സംഘാടകരുടെ തീരുമാനം.