കേശു ഈ വീടിന്റെ നാഥന്‍ ഡിസംബര്‍ 31 മുതല്‍ ഡിസ്‌നി+ഹോട്ട്‌സ്റ്റാറില്‍

ദിലീപ് മുഖ്യവേഷത്തിലെത്തുന്ന നാദിര്‍ഷ ചിത്രം 'കേശു ഈ വീടിന്റെ നാഥന്‍' ഒ.ടി.ടി റിലീസിന്. സജീവ് പാഴൂര്‍ തിരക്കഥയൊരുക്കി നാദ് ഗ്രൂപ്പ് നിര്‍മിക്കുന്ന ചിത്രം ഡിസംബര്‍ 31നാണ് ഡിസ്‌നി+ഹോട്ട്‌സ്റ്റാറിലൂടെ പ്രേക്ഷകര്‍ക്ക് മുന്നിലെത്തും.

ദിലീപിനൊപ്പം ഉര്‍വശി, ജാഫര്‍ ഇടുക്കി, ഹരിശ്രീ അശോകന്‍, കലാഭവന്‍ ഷാജോണ്‍, ഹരീഷ് കണാരന്‍, കോട്ടയം നസീര്‍, നെസ്ലിന്‍, സ്വാസിക തുടങ്ങി ഒരു വലിയ താരനിരതന്നെ ചിത്രത്തില്‍ അണിനിരക്കുന്നുണ്ട്. ദിലീപിന്റെ ഇതുവരെ കാണാത്ത ഗെറ്റപ്പ് ചേഞ്ച് തന്നെയാണ് ചിത്രത്തിന്റെ പ്രധാന ഹൈലൈറ്റുകളിലൊന്ന്. സംവിധായകന്‍ നാദിര്‍ഷ തന്നെയാണ് ചിത്രത്തിനുവേണ്ടി സംഗീതം നിര്‍വഹിച്ചിരിക്കുന്നതും. അനില്‍ നായരാണ് ചിത്രത്തിന്റെ ഛായാഗ്രഹണം.

ചിരിയും സെന്റിമെന്‍സും ഫാമിലി ഇമോഷന്‍സുമൊക്കെ ചേര്‍ന്ന ഒരു കംപ്ലീറ്റ് ഫണ്‍ പാക്ക് ദിലീപ് സിനിമയാണ് കേശുവെന്നും അഞ്ച് വര്‍ഷങ്ങള്‍ക്ക് ശേഷം യേശുദാസ് കേശുവിന് വേണ്ടി പാടുന്നത് വലിയ ഭാഗ്യമായാണ് കാണുന്നതെന്നും നാദിര്‍ഷ പറഞ്ഞു.

67കാരനായ കേശുവെന്ന കഥാപാത്രത്തെയാണ് അവതരിപ്പിക്കുന്നതെന്നും എല്ലാത്തരം പ്രേക്ഷകര്‍ക്കും ഒരു പോലെ ആസ്വദിക്കാന്‍ കഴിയുന്ന തരത്തിലുള്ള സിനിമയാണിതെന്നും ചിത്രത്തെക്കുറിച്ച് ദിലീപ് അഭിപ്രായപ്പെട്ടു. ഏറെ ആസ്വദിച്ചാണ് ഇതിലെ സീനുകള്‍ ഷൂട്ട് ചെയ്തിരിക്കുന്നതെന്നും അത് പൂര്‍ണ്ണമായും പ്രേക്ഷകര്‍ക്ക് കിട്ടുമെന്നാണ് ഞങ്ങളുടെ പ്രതീക്ഷയെന്നും ദിലീപ് കൂട്ടിച്ചേര്‍ത്തു.