നടൻ പർവീൺ ദബസിന് കാറപകടത്തിൽ ​ഗുരുതര പരിക്ക്

പ്രശസ്ത ബോളിവുഡ് നടൻ പർവീൺ ദബസിന് കാറപകടത്തിൽ ​ഗുരുതര പരിക്ക്. നിലവിൽ ബാന്ദ്രയിലെ സ്വകാര്യ ആശുപത്രിയിൽ ചികിത്സയിലാണ്.ശനിയാഴ്ചയായിരുന്നു അപകടം. ഭാര്യയും നടിയുമായ പ്രീതി ഝാം​ഗിയാനിയാണ് അദ്ദേഹത്തിനൊപ്പം ആശുപത്രിയിലുള്ളത്.

പർവീൺ ദബസിന് കാറപകടമുണ്ടായതായി അദ്ദേഹത്തിന്റെ പ്രോ പഞ്ചാ ലീ​ഗ് സ്പോർട്സ് ടീം സ്ഥിരീകരിച്ചിട്ടുണ്ട്. പ്രോ പഞ്ചാ ലീ​ഗിന്റെ സഹ-സ്ഥാപകൻ കൂടിയാണ് താരം. 'പർവീണിന് സംഭവിച്ച അപകടവാർത്ത വളരെ വിഷമത്തോടെയാണ് അറിയിക്കുന്നത്. ശനിയാഴ്ച അതിരാവിലെയാണ് അപകടം സംഭവിക്കുന്നത്.ബാന്ദ്രയിലെ ഹോളി ഫാമിലി ആശുപത്രിയിലാണ് അദ്ദേഹമുള്ളത്.

അപകടത്തെക്കുറിച്ചുള്ള കൂടുതൽ വിവരങ്ങൾ പുറത്തുവന്നിട്ടില്ല. ഈ വെല്ലുവിളി നിറഞ്ഞ സമയത്ത് ഞങ്ങളുടെ മനസ്സ് പർവീണിനും കുടുംബത്തിനുമൊപ്പമാണ്. പ്രോ പഞ്ചാ ലീ​ഗ് സാഹചര്യം സൂക്ഷ്മമായി നിരീക്ഷിച്ചുവരികയാണ്. വിവരങ്ങൾ അപ്പപ്പോൾ പുറത്തുവിടും. പർവീണിന്റെയും അദ്ദേഹത്തിന്റെ പ്രിയപ്പെട്ടവരുടേയും സ്വകാര്യതയെ ഏവരും മാനിക്കുകയാണ് ഇപ്പോൾ ചെയ്യേണ്ടത്. അദ്ദേഹത്തിന് അതിവേ​ഗത്തിൽ പൂർണാരോ​ഗ്യത്തിലേക്ക് തിരിച്ചുവരട്ടേ'- നടന്റെ ടീം അംഗങ്ങൾ വ്യക്തമാക്കി