കിരൺ റാവുവിന്‍റെ ‘ലാപതാ ലേഡീസി’ന് ഒാസ്‌കർ എൻട്രി; പരിഗണിക്കുക മികച്ച വിദേശ സിനിമ വിഭാഗത്തിൽ

ന്യൂഡൽഹി: തിയറ്ററുകളിൽ ശ്രദ്ധിക്കപ്പെട്ടില്ലെങ്കിലും ഒ.ടി.ടിയിലൂടെ മികച്ച പ്രേക്ഷക സ്വീകാര്യത നേടിയ ‘ലാപതാ ലേഡീസ്’ എന്ന ചിത്രം ഒാസ്‌കറിലേക്ക്. 97-ാമത് ഒാസ്‌കറിലേക്കുള്ള ഇന്ത്യയുടെ ഔദ്യോഗിക എൻട്രിയാണ് കിരൺ റാവു സംവിധാനവും നടൻ ആമിർ ഖാൻ നിർമാണവും നിർവഹിച്ച ചിത്രത്തിന് ലഭിച്ചിട്ടുള്ളത്. മികച്ച വിദേശ സിനിമ വിഭാഗത്തിലാണ് ചിത്രം പരിഗണിക്കുക.

ബിപ്ലബ് ഗോസ്വാമിയുടെ നോവലിനെ ആസ്പദമാക്കി ഒരുക്കിയ ചിത്രം 2024 മാർച്ച് ഒന്നിനാണ് പ്രദർശനം ആരംഭിച്ചത്. പുതുമുഖങ്ങളായ പ്രതിഭ രത്ന, സ്പർഷ് ശ്രീവാസ്തവ്, നിതാൻഷി ഗോയൽ എന്നിവർ പ്രധാന കഥാപാത്രങ്ങളെ അവതരിപ്പിച്ചു. ഏപ്രിൽ 26ന് ചിത്രം നെറ്റ്ഫ്ലിക്സിൽ സ്ട്രീമിങ് ആരംഭിച്ചു.

Also Read:മൂ​ടു​പ​ട​മി​ട്ട സ്ത്രീ​ക​ൾ രാ​ഷ്ട്രീ​യം പ​റ​യു​മ്പോ​ൾ

ഉ​ത്ത​രേ​ന്ത്യ​ൻ ഗ്രാ​മീ​ണ പ​ശ്ചാ​ത്ത​ല​ത്തി​ൽ കൃ​ഷി​യും സം​സ്കാ​ര​വും വി​ദ്യാ​ഭ്യാ​സ​വും സ്ത്രീ ​അ​വ​കാ​ശ​ങ്ങ​ളും ച​ർ​ച്ച ചെ​യ്യു​ന്ന മി​ക​ച്ച നി​ല​വാ​രം പു​ല​ർ​ത്തു​ന്ന ഒ​രു കൊ​ച്ചു ചി​ത്രമാണിത്. ക​ല്യാ​ണം ക​ഴി​ഞ്ഞ് ബ​ന്ധു​ക്ക​ൾ മ​ട​ങ്ങി​യ​ ശേ​ഷം ര​ണ്ട്- മൂ​ന്ന് ദി​വ​സം വ​ധുഗൃ​ഹ​ത്തി​ൽ താ​മ​സി​ച്ച​ ശേ​ഷ​മാ​ണ് ന​വ​വ​ര​നാ​യ നായകൻ ഗ്രാ​മ​ത്തി​ലെ സ്വന്തം വീ​ട്ടി​ലേ​ക്ക് മ​ട​ങ്ങു​ന്ന​ത്.

ത​ന്‍റെ റെയിൽവേ സ്റ്റേ​ഷ​ൻ എ​ത്തി​യ​പ്പോ​ൾ അ​ർ​ധ​രാ​ത്രി വ​ധു​വിന്‍റെ കൈപി​ടി​ച്ച് അ​യാ​ൾ ഇ​റ​ങ്ങു​ന്നു. വീ​ട്ടി​ലെ​ത്തി വ​ധു​വിന്‍റെ മൂ​ടു​പ​ടം ഉ​യ​ർ​ത്തി​യ​പ്പോ​ഴാ​ണ് അ​യാ​ളാ ഞെ​ട്ടി​ക്കു​ന്ന സ​ത്യം തി​രി​ച്ച​റി​യു​ന്ന​ത്. ത​ന്‍റെ ഭാ​ര്യ മാ​റി​പ്പോ​യി​രി​ക്കു​ന്നു. ഇതാണ് ചിത്രത്തിന്‍റെ ഇതിവൃത്തം. ചി​രി​ക്കാ​നും അ​തി​ലേ​റെ ചി​ന്തി​ക്കാ​നും ഏ​റെ​യു​ണ്ട് ചി​ത്ര​ത്തി​ൽ.

‘ലാപത ലേഡീസി’ന്‍റെ പ്രത്യേക പ്രദർശനം സുപ്രീംകോടതിയിൽ നടന്നിരുന്നു. സുപ്രീംകോടതിയിലെ ജഡ്ജിമാർക്കും അവരുടെ കുടംബാംഗങ്ങൾക്കും മറ്റ് കോടതി ഉദ്യാഗസ്ഥർക്കും വേണ്ടിയാണ് പ്രത്യേക പ്രദർശനം സംഘടിപ്പിച്ചത്.

തിയറ്റർ റിലീസിന് മുമ്പ് 2023ൽ ടൊറന്‍റോ ഇന്‍റർനാഷണൽ ഫിലിം ഫെസ്റ്റിവലിൽ (TIFF) പ്രദർശിപ്പിച്ച ചിത്രത്തിന് മികച്ച അഭിപ്രായമാണ് ലഭിച്ചത്. ‘ധോബി ഘട്ടി’ന് ശേഷം കിരൺ റാവു സംവിധാനം ചെയ്ത ചിത്രമാണ് ‘ലാപതാ ലേഡീസ്’.

Also Read:മൂ​ടു​പ​ട​മി​ട്ട സ്ത്രീ​ക​ൾ രാ​ഷ്ട്രീ​യം പ​റ​യു​മ്പോ​ൾ