കൊട്ടാരക്കരയുടെ ഇളയമകളും സിനിമയിലേക്ക്​; ശൈലജ അഭിനയിക്കുന്നത്​ 'ഒരു ത്വാതിക അവലോകന'ത്തിൽ

നാല്​ ദശകത്തോളം മലയാള സിനിമയിൽ നിറഞ്ഞുനിന്ന കലാകാരൻ കൊട്ടരക്കര ശ്രീധരന്‍ നായരുടെ ഇളയ മകള്‍ ശൈലജയും സിനിമാരംഗത്തേക്ക്​. ​ൈ​ശലജ ആദ്യമായി അഭിനയിക്കുന്ന ചിത്രം ജോജ​ു ജോർജ്​ നായകനായ 'ഒരു താത്വിക അവലോകനം' ആണ്​. കൊട്ടാരക്കരയുടെ എട്ടുമക്കളിൽ സായികുമാർ, ശോഭ മോഹൻ എന്നിവരും അഭിനേതാക്കളാണ്​.

യോഹന്‍ പ്രൊഡക്ഷന്‍സിന്‍റെ ബാനറില്‍ ഡോക്ടര്‍ ഗീവർഗീസ് യോഹന്നാന്‍ നിർമിക്കുന്ന ഈ ചിത്രം തിരക്കഥയെഴുതി സംവിധാനം ചെയ്യുന്നത്​ അഖിൽ മാരാർ ആണ്​. ജോജുവിനെ കൂടാതെ അജു വർഗീസ്, നിരഞ്ജൻ രാജു എന്നിവരാണ്​ പ്രധാന കഥാപാത്രങ്ങളെ അവതരിപ്പിക്കുന്നത്​. ഛായാഗ്രഹണം വിഷ്ണു നാരായണന്‍ നിര്‍വഹിക്കുന്നു.

സൂരാജ് വെഞ്ഞാറമൂടിന്‍റെ സഹോദരൻ സജി വെഞ്ഞാറമ്മൂട് ആദ്യമായി അഭിനയിക്കുന്ന സിനിമയാണിത്​. ഷമ്മി തിലകൻ, സലിം കുമാർ, കൃഷ്ണ കുമാർ, ജയകൃഷ്ണൻ, മേജർ രവി, ശ്രീജിത് രവി, മാമുക്കോയ, പ്രശാന്ത് അലക്സ്, മനു രാജ് തുടങ്ങിയവരും അഭിനയിക്കുന്നു. പ്രൊഡക്ഷൻ കണ്‍ട്രോളർ- എസ്സാ കെ എസ്തപ്പാന്‍, കല-ശ്യാം കാർത്തികേയൻ, മേക്കപ്പ്-ജിത്തു പയ്യന്നൂര്‍, വസ്ത്രാലങ്കാരം-അരവിന്ദന്‍, സ്റ്റിൽസ്-സേതു, അസോസിയേറ്റ് ഡയറക്ടര്‍-ബോസ്, വാര്‍ത്ത പ്രചരണം-എ.എസ്. ദിനേശ്. സിനിമയുടെ ചിത്രീകരണം ജനുവരി ഒന്നിന് പാലക്കാട് ആരംഭിക്കും.