'മധുരം ജീവാമൃതബിന്ദു', മലയാളത്തിൽനിന്ന്​ ഒരു ആന്തോളജികൂടി

മലയാളത്തിൽ നിന്ന്​ ഒരു ആന്തോളജി സിനിമകൂടി വരുന്നു. 23 ഫീറ്റ് എന്റർടൈൻമെന്റ്സിന്റെ ബാനറിൽ അർജുൻ രവീന്ദ്രൻ നിർമ്മിക്കുന്ന 'മധുരം ജീവാമൃതബിന്ദു'വാണ്​ പുതിയ സിനിമ. സിനിമയിൽ അവതാരക​െൻറ റോളിൽ സംവിധായകൻ സിദ്ധിഖും എത്തും. മണിയറയിലെ അശോകൻ, നിഴൽ, അനുഗ്രഹീതൻ ആന്റണി, മറിയം വന്നു വിളക്കൂതി എന്നീ സിനിമകൾക്ക് ശേഷം സംവിധായകരായ ഷംസു സെയ്ബ, അപ്പു ഭട്ടതിരി, പ്രിൻസ് ജോയ് , ജെനിത് കാച്ചപ്പിള്ളി എന്നിവരുടെ നാല് ചിത്രങ്ങളാണ് ഈ ആന്തോളജിയിൽ ഉള്ളത്.

സഹനിർമ്മാണം ആഷിക് ബാവയാണ്​. കേരളാ കഫേക്കും അഞ്ചു സുന്ദരികൾക്കും ശേഷം മലയാളത്തിൽ നിന്നുള്ള മറ്റൊരു ആന്തോളജിയാണ്​ മധുരം ജീവാമൃതബിന്ദു.