മയക്കുമരുന്ന്​ ഉപയോഗം: നടി കങ്കണക്കെതിരെ അന്വേഷണത്തിന്​ ഉത്തരവിട്ട്​ മഹാരാഷ്​ട്ര സർക്കാർ

മുംബൈ: മയക്കുമരുന്ന്​ ഉപയോഗവുമായി ബന്ധപ്പെട്ട ആരോപണത്തിൽ നടി കങ്കണ റണാവത്തിനെതിരെ അന്വേഷണത്തിന്​ ഉത്തരവിട്ട്​ മഹാരാഷ്​ട്ര സർക്കാർ. മുൻ കാമുകൻ അധ്യായൻ സുമൻെറ പഴയ അഭിമുഖത്തിലെ പരമാർശത്തിൻെറ അടിസ്ഥാനത്തിലാണ്​ അന്വേഷണം.

കങ്കണ തന്നോട്​ മയക്കു മരുന്ന്​ ഉപയോഗിക്കാൻ ആവശ്യപ്പെട്ടിരുന്നുവെന്ന്​ അധ്യായൻ സുമൻ ഒരു അഭിമുഖത്തിൽ പറഞ്ഞിരുന്നു. ഈ വീഡിയോ സമൂഹ മാധ്യമങ്ങളിൽ വൈറലായി.

കങ്കണക്കെതിരെ അന്വേഷണം ആവശ്യ​പ്പെട്ട്​ ശിവസേന നേതാക്കളായ​ സുനിൽ പ്രഭു, പ്രതാപ്​ സർനായിക്​ എന്നിവർ അധ്യായൻ സുമൻെറ അഭിമുഖത്തിൻെറ പകർപ്പ്​ സർക്കാറിന്​ സമർപ്പിച്ചിരുന്നു.