മമ്മൂട്ടിയുടെ 'ദി പ്രീസ്റ്റ്​' ആമസോൺ പ്രൈമിലേക്ക്​; റിലീസ്​ ഡേറ്റ്​ പുറത്തുവിട്ടു

മെഗാസ്റ്റാർ മമ്മൂട്ടി നായകനായെത്തി വമ്പൻ തിയറ്റർ വിജയമായി മാറിയ 'ദി പ്രീസ്റ്റ്​' ആമസോൺ പ്രൈമിലേക്ക്​. ചിത്രത്തിന്‍റെ ഡിജിറ്റൽ റേറ്റ്​സ്​ വലിയ തുകയ്​ക്കായിരുന്നു പ്രൈം വിഡിയോ സ്വന്തമാക്കിയത്​. ഏപ്രിൽ 14 മുതൽ ഇന്ത്യയടക്കമുള്ള 240 രാജ്യങ്ങളിലെ ആമസോൺ പ്രൈം പ്രേക്ഷകർക്ക്​ 'ദി പ്രീസ്റ്റ്​' ആസ്വദിക്കാനാകും.

നവാഗത സംവിധായകനായ ജോഫിൻ ടി ചാക്കോ സംവിധാനം ചെയ്​ത ചിത്രം നിർമിച്ചിരിക്കുന്നത്​ ആ​േന്‍റാ ജോസഫും ബി. ഉണ്ണികൃഷ്​ണനും ചേർന്നാണ്​. മഞ്​ജു വാര്യരും മമ്മൂട്ടിയും ആദ്യമായി ഒന്നിക്കുന്നു എന്ന പ്രത്യേകതയുമായി എത്തിയ ദി പ്രീസ്റ്റിൽ ബേബി മോണിക്ക, നിഖില വിമൽ, സാനിയ ഇയ്യപ്പൻ എന്നിവരും പ്രധാന കഥാപാത്രങ്ങളായി. രാഹുൽ രാജായിരുന്നു ചിത്രത്തിന്‍റെ സംഗീതം നിർവഹിച്ചത്​.