ഫ്ലാറ്റിൽ മയക്കുമരുന്നും കഞ്ചാവും; നടിയും മോഡലുമായ സോണിയ അഗർവാൾ കസ്റ്റഡിയിൽ

ബംഗളൂരു: മയക്കുമരുന്ന്​ കേസിൽ തെന്നിന്ത്യൻ നടിയും മോഡലുമായ സോണിയ അഗർവാളിനെ നാർകോട്ടിക്സ്​​ കൺട്രോൾ ബ്യൂറോ (എൻ.സി.ബി) കസ്റ്റഡിയിലെടുത്തു. നടിയുടെ ഫ്ലാറ്റില്‍ നിന്ന് മയക്കുമരുന്നും കഞ്ചാവും കണ്ടെടുത്തതിന്​ പിന്നാലെയാണ്​ നടപടി. കര്‍ണാടക അതിര്‍ത്തിയില്‍ നിന്ന് ഇന്നലെ 21 കോടി രൂപ വിലമതിക്കുന്ന കഞ്ചാവ് എന്‍സിബി പിടികൂടിയിരുന്നു. ഈ കേസുമായി ബന്ധപ്പെട്ടായിരുന്നു പരിശോധന നടത്തിയത്​.

കന്നഡ നടന്‍ ഭരത്, ഡിജെ ചിന്നപ്പ എന്നിവരും എൻ.സി.ബിയുടെ പിടിയിലായിട്ടുണ്ട്​. കന്നഡയിലെ പ്രമുഖ നടിമാരായ സജ്ഞന ഗല്‍റാണി, രാഗ്വിണി ദിവേദി എന്നിവരും മയക്കുമരുന്ന്​ ഉപയോഗിച്ചിരുന്നതായി ഫോറൻസിക്​ റിപ്പോർട്ടിൽ തെളിഞ്ഞിരുന്നു. അതിന്​ പിന്നാലെയാണ്​​ സോണിയ അഗർവാളും കുടുങ്ങുന്നത്​. അതേസമയം, കന്നഡ സിനിമ മേഖലയില്‍ വന്‍ മയക്കുമരുന്ന് മാഫിയ പ്രവര്‍ത്തിക്കുന്നതായി ബംഗളൂരു പൊലീസ് ഹൈക്കോടതിയില്‍ റിപ്പോര്‍ട്ട് നല്‍കിയിരുന്നു.