ബിഗ് ബോസ് ത്രീ പ്രതിഫലം: മോഹൻലാൽ ആറ് കോടി രൂപ ഉയർത്തിയെന്ന് റിപ്പോർട്ട്

ബിഗ് ബോസ് മലയാളം സീസൺ ത്രീക്ക് മോഹന്‍ലാല്‍ വാങ്ങുന്ന പ്രതിഫലത്തെ കുറിച്ചുള്ള ചര്‍ച്ചകൾ സോഷ്യൽ മീഡിയയിൽ വൈറലാകുന്നു.സീസണ്‍ 3-ക്ക് 18 കോടി രൂപയാണ് മോഹന്‍ലാല്‍ വാങ്ങുന്നത് എന്നാണ് പുതിയ റിപ്പോര്‍ട്ടുകള്‍. ആറ് കോടി രൂപയാണ് താരം ഒറ്റയടിക്ക് ഉയർത്തിയതെന്നാണ് വിവരം. 12 കോടി ആയിരുന്നു സീസണ്‍ 2-വിനായി മോഹന്‍ലാല്‍ വാങ്ങിയിരുന്നത് എന്നാണ് റിപ്പോര്‍ട്ടുകള്‍ പറയുന്നത്.

സ്റ്റൈലിഷ് മേക്കോവറിലാണ് മോഹൻലാൽ ഇത്തവണ ഷോയിൽ എത്തുന്നത്. ജിഷാദ് ഷംസുദ്ദീനാണ് ഷോയ്ക്ക് വേണ്ടി മോഹൻലാലിന്റെ സ്റ്റൈലിംഗ് ചെയ്യുന്നത്. മിനിമൽ ക്ലാസിക് മുതൽ ബൊഹീമിയൻ, ജാപ്പാനീസ് ഫാഷൻ എലമെന്റുകൾ വരെയുള്ള വ്യത്യസ്ത സ്റ്റൈലുകൾ പരീക്ഷിക്കുന്നുണ്ടെന്ന് ജിഷാദ് ടൈംസ് ഓഫ് ഇന്ത്യയ്ക്ക് നൽകിയ അഭിമുഖത്തിൽ പറഞ്ഞു. ഫാഷൻ ട്രെൻഡുകളെ കുറിച്ച് മോഹൻലാലിനും ഏറെ അറിവുണ്ടെന്നും താൻ കൊണ്ടുവരുന്ന ബ്രാൻഡുകളും ഡിസൈനുകളുമെല്ലാം താരത്തിന് ഏറെ പരിചിതമാണെന്നും ജിംഷാദ് പറഞ്ഞു.

ഫെബ്രുവരി 14നാണ് ബിഗ് ബോസിന്റെ ഗ്രാൻഡ് ഓപ്പണിംഗ് സംപ്രേഷണം ചെയ്യുന്നത്. 18 മത്സരാർത്ഥികളാണ് ഇത്തവണ ബിഗ് ബോസിന്‍റെ ഭാഗമാവുക.