യുട്യൂബിനും അറിയണം മോഹൻലാലിന്റെ ഈ ഡാൻസ്! വിഡിയോ വൈറലാവുന്നു

സോഷ്യൽ മീഡിയയിൽ വൈറലാവുന്നത് മോഹൻലാലിന്റെ ഒരു ഉഗ്രൻ ഡാൻസാണ്. യുട്യൂബ് ഇന്ത്യയാണ് ഡാൻസ് വിഡിയോ എക്സിൽ പങ്കുവെച്ചത്. 'ഏത് ഗാനത്തിനാണ് മോഹൻലാൽ ഡാൻസ് ചെയ്യുന്നതെന്ന് ഊഹിക്കാമോ' എന്ന കുറിപ്പോടെയാണ് വിഡിയോ പോസ്റ്റ് ചെയ്തിരിക്കുന്നത്. പാട്ട് മ്യൂട്ട് ചെയ്തിട്ടുണ്ട്. മോഹൻലാലിന്റെ ഡാൻസ് വിഡിയോ വൈറലാണ്.

2002 ൽ പുറത്ത് ഇറങ്ങിയ ഒന്നാമൻ എന്ന ചിത്രത്തിലെ പിറന്ന മണ്ണിൽ നിന്ന് ആരംഭിക്കുന്ന ഗാനമാണിത്. യുട്യൂബ് ഇന്ത്യയുടെ ട്വീറ്റിന് സിനിമയും ഗാനവും പങ്കുവെച്ചുകൊണ്ടുള്ള കമന്റുകൾ വരുന്നുണ്ട്.

മോഹന്‍ലാല്‍ ചിത്രങ്ങളിലെ നൃത്തരംഗങ്ങളുടെ റീലുകളിലൂടെ ശ്രദ്ധ നേടിയ എ10 ഡാന്‍സിംഗ് ഡെയ്‍ലി എന്ന ഇന്‍സ്റ്റഗ്രാം പേജിൽ നിന്നാണ് ഈ ട്രെൻഡ് ആരംഭിച്ചത്. ഒന്നാമനിലെ പാട്ടിലെ മോഹന്‍ലാലിന്‍റെ ചുവടുകള്‍ ഉള്‍പ്പെടുത്തിയ റീല്‍ ആഗസ്റ്റ് 10നാണ് ആദ്യം ഇടംപിടിച്ചത്. ഇതിനോടകം 1.4 മില്യണ്‍ കാഴ്ചകാരെ നേടിയിട്ടുണ്ട്.