ജയിലറിൽ രജനിക്കൊപ്പം മോഹൻലാലും; മൂന്ന് ഭാഷയിലെ സൂപ്പർ താരങ്ങൾ ഒറ്റ ചിത്രത്തിൽ

തമിഴ് സിനിമാ ലോകം ആകാംക്ഷയോടെ കാത്തിരിക്കുന്ന രജനികാന്ത് ചിത്രമാണ് ജയിലർ. നെൽസൺ സംവിധാനം ചെയ്യുന്ന ചിത്രത്തിൽ രജനിക്കൊപ്പം മോഹൻലാലും ഒരു നിർണ്ണായ കഥാപാത്രത്തിൽ എത്തുന്നതായി റിപ്പോർട്ട്. കാമിയോ റോളിലാകും മോഹൻലാൽ എത്തുക. ജനുവരി 8, 9 തിയതികളോടെ ചിത്രീകരണത്തിനായി നടൻ ചെന്നൈയിലെത്തും

മോഹൻലാലും രജനികാന്തും ആദ്യമായി ഒന്നിക്കുന്ന ചിത്രമാണ് ജയിലർ. കന്നഡ സൂപ്പർ താരം ശിവരാജ് കുമാറും ചിത്രത്തിൽ നിർണ്ണായക വേഷത്തിൽ എത്തുന്നുണ്ട്. മൂന്ന്ഭാഷകളുലെ സൂപ്പർ താരങ്ങൾ ഒന്നിക്കുന്ന ചിത്രം കൂടിയാണിത്.

2002 ൽ പുറത്ത് ഇറങ്ങിയ ജയിലറിന്റെ ടീസറിന് മികച്ച സ്വീകാര്യതയാണ് ലഭിച്ചത്. മുത്തുവേൽ പണ്ഡ്യൻ എന്ന ജയിലറിന്റെ വേഷത്തിലാണ് രജനി ചിത്രത്തിൽ എത്തുന്നത്. സംവിധായകൻ നെൽസൺ തന്നെയാണ് തിരക്കഥ ഒരുക്കുന്നത്. തമന്നയാണ് നായിക. സൺ പിക്ചേഴ്സ് നിർമിക്കുന്ന ചിത്രം ഈ വർഷം ഏപ്രിൽ 14നാണ് തിയറ്ററുകളിൽ എത്തുന്നത്.