മോഹൻലാലിന്റെ വൺമാൻ ഷോ; 'എലോണിൽ' സർപ്രൈസുമായി പൃഥ്വിരാജ്, ടീസർ പുറത്ത്

മോഹൻലാലിനെ കേന്ദ്രകഥാപാത്രമാക്കി ഷാജി കൈലാസ് സംവിധാനം ചെയ്യുന്ന ചിത്രമാണ് എലോൺ സിനിമയുടെ ടീസർ പുറത്ത്. യഥാർഥ നായകന്മാർ എല്ലായിപ്പോഴും തനിച്ചാണ് എന്ന മോഹൻലാലിന്റെ ഡയലോഗോടെയാണ് ടീസർ പുറത്ത് വന്നിരിക്കുന്നത്. കൂടാതെ ടീസറിൽ പൃഥ്വിരാജ്, സിദ്ദിഖ് എന്നിവരുടെ കഥാപാത്രങ്ങളുമായി സംസാരിക്കുന്നതുമുണ്ട്. കളിദാസ് എന്ന കഥാപത്രത്തെയാണ് നടൻ അവതരിപ്പിക്കുന്നത്.

പുറത്ത് ഇറങ്ങിയ ടീസറിന് മികച്ച അഭിപ്രായമാണ് ലഭിക്കുന്നത്.

പന്ത്രണ്ട് വർഷത്തെ ഇടവേളക്ക് ശേഷം മോഹൻലാലും ഷാജി കൈലാസും ഒന്നിക്കുന്ന ചിത്രമാണ് എലോൺ. ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ് നിർമിക്കുന്നത്. 2009 ൽ പുറത്ത് ഇറങ്ങിയ റെഡ് ചില്ലീസാണ് ഏറ്റവും ഒടുവിൽ പുറത്ത് ഇറങ്ങിയ മോഹൻലാൽ -ഷാജി കൈലാസ് ചിത്രം.

രാജേഷ് ജയരാമന്റേതാണ് തിരക്കഥ. ജേക്‌സ് ബിജോയ് സംഗീതവും അഭിനന്ദന്‍ രാമാനുജം ഛായാഗ്രഹണവും നിര്‍വഹിക്കുന്നു. ഡോണ്‍മാക്‌സ് ആണ് എഡിറ്റിങ്.