മോഹന്‍ലാലിന്റെ 'മോണ്‍സ്റ്റര്‍' പ്രദർശനത്തിനെത്തുന്നു...

മോഹൻലാലിനെ കേന്ദ്രകഥാപാത്രമാക്കി വൈശാഖ് സംവിധാനം ചെയ്യുന്ന ചിത്രമാണ് മോൺസ്റ്റർ. ചിത്രം തിയറ്ററുകളിലേക്ക്. ഒക്ടോബർ 21നാണ് പ്രദർശനത്തിന് എത്തുന്നത്. പ്രേക്ഷകർ ആകാംക്ഷയോടെ കാത്തിരിക്കുന്ന മോഹൻലാൽ ചിത്രമാണിത്.

ഉദയ് കൃഷ്ണന്റെ തിരക്കഥയില്‍ വൈശാഖ് സംവിധാനം ചെയ്യുന്ന മോണ്‍സ്റ്റര്‍ ആശിര്‍വ്വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് നിര്‍മിക്കുന്നത്. പുലിമുരുകനു ശേഷം വൈശാഖ് - ഉദയ് കൃഷ്ണ - മോഹന്‍ലാല്‍ ടീമിന്റെ കൂട്ടുക്കെട്ടില്‍ ഒരുങ്ങുന്ന ചിത്രം കൂടിയാണിത്. ഒരു ക്രൈം ത്രില്ലര്‍ ചിത്രമാണ് മോണ്‍സ്റ്റര്‍.

മോഹൻലാലിനോടൊപ്പം വൻതാരനിരയാണ് ചിത്രത്തിൽ അണിനിരക്കുന്നത്. സുദേവ് നായര്‍, സിദ്ദിഖ്, ജോണി ആന്റണി .കൈലാഷ്, ഗണേഷ് കുമാര്‍ ബിജു പപ്പന്‍, ഹണി റോസ്, ലഷ്മി മഞ്ജു, സ്വാസിക എന്നിവരാണ് മറ്റുപ്രധാന കഥാപാത്രങ്ങളെ അവതരിപ്പിക്കുന്നത്.

ഹരി നാരായണന്റെ വരികള്‍ക്ക് ദീപക് ദേവ് ഈണം പകര്‍ന്നിരിക്കുന്നു. സതീഷ് കുറുപ്പ്‌ ഛായാഗ്രഹണവും ഷമീര്‍ മുഹമ്മദ് എഡിറ്റിംഗും നിര്‍വ്വഹിക്കുന്നു,പി. ആർ. ഒ വാഴൂര്‍ ജോസ്.