സംഗീത സംവിധായകൻ ആർ.രഘുറാം അന്തരിച്ചു

ചെന്നൈ: യുവ സംഗീത സംവിധായകൻ ആർ.രഘുറാം (38) അന്തരിച്ചു. വടപളനിയിലെ സ്വകാര്യ ആശുപത്രിയിൽ ചികിത്സയിൽ ഇരിക്കവെയാണ് അന്ത്യം. കഴിഞ്ഞ കുറച്ച് നാളുകളായി ഞരമ്പുകളെ ബാധിക്കുന്ന മോട്ടോർ ന്യൂറോൺ രോഗത്തെ തുടർന്ന് ചികിത്സയിലായിരുന്നു.

'ഒരു കിടയിൻ കരുണൈ മാനു' എന്ന സിനിമയിലൂടെയാണ് രഘുറാം പ്രേക്ഷകരുടെ ഇടയിൽ ശ്രദ്ധനേടുന്നത്.നിരവധി ഹ്രസ്വചിത്രങ്ങൾക്കും സംഗീത ആൽബങ്ങൾക്കും അദ്ദേഹം സംഗീതം നൽകിയിട്ടുണ്ട്.