'നായാട്ട്​' മലയാളത്തിൽ ഏറ്റവും പ്രതീക്ഷയോടെ കാത്തിരിക്കുന്ന ചിത്രങ്ങളിലൊന്ന്​: പൃഥ്വിരാജ്​; ഫസ്റ്റ്​ലുക്ക്​ പുറത്ത്​

സൂപ്പർഹിറ്റ്​ ചിത്രം ചാർലിക്ക്​ ശേഷം ഹിറ്റ്​മേക്കർ മാർട്ടിൻ പ്രക്കാട്ട്​ സംവിധാനം ചെയ്യുന്ന 'നായാട്ട്​' എന്ന ചിത്രം മലയാളത്തിൽ ഏറ്റവും പ്രതീക്ഷയോടെ കാത്തിരിക്കുന്ന ചിത്രങ്ങളിലൊന്നാണെന്ന്​ നടൻ പൃഥ്വിരാജ്​. കുഞ്ചാക്കോ ബോബന്‍, ജോജു ജോര്‍ജ്, നിമിഷ സജയന്‍ എന്നിവർ കേന്ദ്ര കഥാപാത്രങ്ങളാകുന്ന നായാട്ടി​െൻറ ഫസ്​റ്റ്​ലുക്ക്​ പോസ്റ്റർ ഫേസ്​ബുക്കിൽ പങ്കുവെച്ചുകൊണ്ടാണ്​ പൃഥ്വി അങ്ങനെ കുറിച്ചത്​.

മറ്റൊരു എഴുത്തുകാരനില്‍ നിന്ന് കേട്ട ഈ ചിത്രത്തി​െൻറ ആശയത്തെ കുറിച്ച് കൂടെയുടെ സമയത്താണ് രഞ്ജിയേട്ടൻ എന്നോട് പറയുന്നത്. അന്നുമുതല്‍ ഈ ചിത്രത്തിനായി കാത്തിരിക്കുകയാണ്. മാര്‍ട്ടിനെ പോലൊരു സംവിധായകന്‍, ഷൈജുവിനെ പോലൊരു ഛായാഗ്രാഹകന്‍, ചാക്കോച്ചന്‍, ജോജു, നിമിഷ, വിനയ് എന്നീ അഭിനേതാക്കള്‍, ഒപ്പം കാമറയ്ക്ക് പിന്നില്‍ പ്രവര്‍ത്തിക്കുന്ന ടീമി​െൻറ നിലവാരം, തീര്‍ച്ചയായും നായാട്ട് മലയാളത്തില്‍ ഏറ്റവും പ്രതീക്ഷയോടെ കാത്തിരിക്കുന്ന ചിത്രമാണ്', -പൃഥ്വിരാജ് കുറിച്ചു.

ജോസഫിന്​ ശേഷം ഷാഹി കബീറാണ്​ നായാട്ടി​െൻറ രചന നിർവഹിക്കുന്നത്​. സംവിധായകന്‍ രഞ്ജിത്, ശശികുമാര്‍ എന്നിവരുടെ ഉടമസ്ഥതയിലുള്ള ഗോള്‍ഡ് കോയ്ന്‍ പിക്‌ച്ചേര്‍സും മാര്‍ട്ടിന്‍ പ്രക്കാട്ട് ഫിലിംസും ചേര്‍ന്നാണ് നിര്‍മ്മാണം. മഹേഷ് നാരായണന്‍ എഡിറ്റിങും വിഷ്ണു വിജയ് സംഗീത സംവിധാനവും നിര്‍വ്വഹിക്കുന്നു. എന്തായാലും ഹിറ്റ്​ ചിത്രങ്ങൾ മാത്രം മലയാളികൾക്ക്​ സമ്മാനിച്ച മാർട്ടിൻ പ്രക്കാട്ടി​െൻറ മറ്റൊരു ഗംഭീര സിനിമക്കായി കാത്തിരിക്കുകയാണ്​ എല്ലാവരും.