ആഷിഖ് അബു ചിത്രം നീലവെളിച്ചത്തിന്റെ റിലീസ് മാറ്റി; പുതിയ തീയതി പ്രഖ്യാപിച്ച് അണിയറപ്രവർത്തകർ
text_fieldsവൈക്കം മുഹമ്മദ് ബഷീറിന്റെ തിരക്കഥയെ അടിസ്ഥാനമാക്കി ആഷിഖ് അബു സംവിധാനം ചെയ്യുന്ന നീലവെളിച്ചം എന്ന ചിത്രത്തിന്റെ പുതിയ റിലീസ് തീയതി പ്രഖ്യാപിച്ചു. ഏപ്രിൽ 20നാണ് ചിത്രം തിയറ്ററുകളിൽ എത്തുക. നേരത്തെ ഏപ്രിൽ 21 ന് ആയിരിക്കും റിലീസ് എന്നായിരുന്നു പ്രഖ്യാപിച്ചിരുന്നത്.
നീലവെളിച്ചം എന്ന കഥയെ അടിസ്ഥാനമാക്കി മലയാളത്തിലെ തന്നെ ആദ്യ ഹൊറര് സിനിമയായ ഭാര്ഗവീനിലയം റിലീസ് ചെയ്ത് 59 വര്ഷങ്ങള്ക്ക് ശേഷമാണ് വീണ്ടും നീലവെളിച്ചത്തിന് പുനരാവിഷ്ക്കാരം തയ്യാറാവുന്നത്.
ആഷിഖ് അബു സംവിധാനം ചെയ്യുന്ന ചിത്രത്തില് റിമ കല്ലിങ്കല്, ടൊവിനോ തോമസ്, റോഷന് മാത്യു, ഷൈന് ടോം ചാക്കോ എന്നിവരാണ് പ്രധാനകഥാപാത്രങ്ങളെ അവതരിപ്പിക്കുന്നത്. 1964-ലായിരുന്നു നീലവെളിച്ചം എന്ന കഥയെ അടിസ്ഥാനമാക്കി വൈക്കം മുഹമ്മദ് ബഷീര് തന്നെ തിരക്കഥ എഴുതി ഭാര്ഗ്ഗവീനിലയം എന്ന സിനിമ പുറത്തുവന്നത്. ഏ.വിന്സെന്റ് ആയിരുന്നു ചിത്രം സംവിധാനം ചെയ്തത്.
ചെമ്പന് വിനോദ് ജോസ്, ജെയിംസ് ഏലിയാസ്, ജയരാജ് കോഴിക്കോട്, ഉമാ കെ.പി, അഭിറാം രാധാകൃഷ്ണന്, രഞ്ജി കങ്കോല്, ജിതിന് പുത്തഞ്ചേരി, നിസ്തര് സേട്ട്, പ്രമോദ് വെളിയനാട്, തസ്നീം, പൂജ മോഹന് രാജ്, ദേവകി ഭാഗി, ഇന്ത്യന് എന്നിവരാണ് മറ്റ് കഥാപാത്രങ്ങളെ അവതരിപ്പിച്ചിരിക്കുന്നത്. ഗിരീഷ് ഗംഗാധരന് ഛായാഗ്രഹണം നിര്വ്വഹിക്കുന്ന നീലവെളിച്ചത്തിന്റെ എഡിറ്റിങ് വി. സാജനാണ്.
ഒ.പി.എം സിനിമാസിന്റെ ബാനറില് ആഷിഖ് അബു, റിമ കല്ലിങ്കല് എന്നിവരാണ് നീലവെളിച്ചം നിര്മ്മിക്കുന്നത്. ഋഷികേശ് ഭാസ്ക്കരനാണ് ചിത്രത്തിന്റെ അധികതിരക്കഥ എഴുതിയിരിക്കുന്നത്. സജിന് അലി പുലാട്ടില് അബ്ബാസ് പുതുപ്പറമ്പില് എന്നിവരാണ് സഹനിര്മാതാക്കള്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.