'ന്നാ.. താൻ കേസ്​ കൊട്​' എന്ന്​ ചാക്കോച്ചൻ; കൂടെ ആഷിഖ്​​ അബുവും

ആൻഡ്രോയ്​ഡ്​ കുഞ്ഞപ്പൻ എന്ന സൂപ്പർഹിറ്റ്​ ചിത്രം സംവിധാനം ചെയ്​ത രതീഷ്​ പൊതുവാളിന്‍റെ ഏറ്റവും പുതിയ സിനിമ 'ന്നാ താൻ കേസ്​ കൊട്​' -ഇൽ കുഞ്ചാക്കോ ബോബൻ നായകനാകും. താരം ഇന്ന്​ ഫേസ്​ബുക്കിൽ പങ്കുവെച്ച പോസ്റ്റിലാണ്​ ചിത്രം പ്രഖ്യാപിച്ചത്​. സന്തോഷ്​ ടി. കുരുവിള, ആശിഖ്​ അബു, എന്നിവർ ചേർന്ന്​ നിർമിക്കുന്ന ചിത്രത്തിൽ സൈജു കുറുപ്പ്​, ജാഫർ ഇടുക്കി, ഗായത്രി ശങ്കർ, വിനയ്​ ഫോർട്ട് എന്നിവരും അഭിനയിക്കുന്നുണ്ട്​. മധു നീലകണ്ഠനാണ്​ ഛായാഗ്രാഹകൻ. ഈ വർഷം തന്നെ ചിത്രീകരണമാരംഭിക്കുമെന്നും ചാക്കോച്ചൻ സൂചന നൽകുന്നുണ്ട്​.

എന്നാ പിന്നെ... രസകരമായ ഒരു കേസ്​ അങ്ങ് കൊടുത്തേക്കാം,ല്ലേ !!!

രതീഷ് ബാലകൃഷ്ണൻ പൊതുവാൾ,സന്തോഷ്.T.കുരുവിള,ആഷിഖ് അബു ,മധു നീലകണ്ഠൻ,വിനയ് ഫോർട്ട്,സൈജു കുറുപ്പ്,ജാഫറിക്ക,ഗായത്രി ശങ്കർ ....പിന്നെ ഞാനും !!!!

....."ന്നാ,താൻ കേസ് കൊട്".......

ഈ വർഷം തന്നെ കൊടുക്കും 🙏🏼🙏🏼

From ANDROID version to NAADAN version.The curious case of some exciting talents!!!!! -കുഞ്ചാക്കോ ബോബൻ ഫേസ്​ബുക്കിൽ കുറിച്ചു.