സംവിധായകൻ കുമാർ സാഹ്നി അന്തരിച്ചു

പ്രശസ്ത സംവിധായകനും തിരക്കഥാകൃത്തുമായ കുമാർ സാഹ്നി(83) അന്തരിച്ചു. ഞായറാഴ്ചയായിരുന്നു അന്ത്യം. സംവിധായകന് ആദരാഞ്ജലി അർപ്പിച്ച് സിനിമാ ലോകവും ആരാധകരും എത്തിയിട്ടുണ്ട്.

പ്രശസ്ത സംവിധായകൻ ഋത്വിക് ​ഘട്ടക്കിന്റെ പ്രിയപ്പെട്ട ശിഷ്യനായിരുന്നു കുമാർ സാഹ്നി. 1940 ഡിസംബർ ഏഴിന് ലർക്കാനയിലാണ് ജനനം. വിഭജനത്തിന് ശേഷം കുടുംബസമേതം മുംബൈയിലേക്ക് താമസം മാറി.

മായാ ദർപൺ, ഖയാൽ ​ഗാഥാ, തരം​ഗ്, കസ്ബ എന്നിവ‍യാണ് ശ്രദ്ധേയമായ ചിത്രങ്ങൾ. 1972-ൽ ഒരുക്കിയ മായാ ദർപൺ മികച്ച ഹിന്ദി ചിത്രത്തിനുള്ള ദേശീയ പുരസ്കാരം നേടി. 1989-ൽ ഖായൽ ​ഗാഥയും 1991-ൽ ഭവനതരണയും ഒരുക്കി. 1997-ൽ രബീന്ദ്രനാഥ് ടാ​ഗോറിന്റെ ഛാർ അധ്യായ് എന്ന നോവലിനെ കുമാർ സാഹ്നി ചലച്ചിത്രമാക്കി.

സിനിമയിലും സാഹിത്യത്തിലും മാത്രമല്ല മികച്ച അധ്യാപകൻ കൂടിയായിരുന്നു സാഹ്നി.