സിനിമയെ കുറിച്ചുള്ള മലയാളി പ്രേക്ഷകരുടെ അഭിപ്രായം ശ്രദ്ധിക്കാറുണ്ട്, കാരണം വെളിപ്പെടുത്തി പാ.രഞ്​ജിത്ത്

കൊച്ചി: എന്‍റെ സിനിമകളെ എതിർക്കുന്നവരെ ഒരിക്കലും ഭയക്കുന്നില്ലെന്ന്​ സംവിധായകൻ പാ രഞ്​ജിത്ത്. അത്തരക്കാരെ അവഗണിക്കുന്നതാണ്​ തന്‍റെ രീതിയെന്നും അദ്ദേഹം കൊച്ചിയിൽ പത്രസ​മ്മേളനത്തിൽ പറഞ്ഞു.

എന്‍റെ രാഷ്ട്രിയമാണ്​ ഞാൻ ചെയ്ത സിനിമകളൊക്കയെും. സിനിമയെ എതിർക്കുന്നവരെ ഒരിക്കലും ഞാൻ ഭയക്കുന്നില്ല. അതു കൊണ്ട്​ ഞാൻ എന്‍റെ രാഷ്ട്രിയം പറഞ്ഞുകൊണ്ടിരിക്കും. എതിർക്കുന്നവരെക്കാൾ കൂടുതൽ സിനിമയെ പിന്തുണക്കുന്നവരാണുള്ളത്​. മലായളികൾ എന്നും നല്ല പ്രേക്ഷകരാണ്​. എന്‍റെ സിനിമക​​ളെ അവർ എങ്ങനെ കാണുന്നുവെന്നും അവർ അതിനെ കുറിച്ച്​ എന്ത്​ പറയുന്നുവെന്നും നോക്കാറുണ്ട്. വളരെ ഗൗരവത്തിലാണ്​ അവർ സിനിമക​ളെ സമീപിക്കുന്നതെന്നും അദ്ദേഹം പറഞ്ഞു. ജാതി എങ്ങനെയാണ്​ സമൂഹത്തിൽ ഇടപെടുന്നതെന്നുമാണ്​ പുതിയ സിനിമ പറയുന്നത്​.'നക്ഷത്തിരം നകർകിരത്' എന്ന സിനിമയുടെ കേരള റിലീസിനോട് അനൂബന്ധിച്ചായിരുന്നു വാർത്താസമ്മേളനം.

നടൻ കാളിദാസ് ജയറാം, കലയരശൻ,വിൻസു, ഷബീർ എന്നിവരും പങ്കെടുത്തു. ആഗസ്റ്റ് 31 നാണ് ചിത്രം തിയറ്റർ റിലീസായി എത്തുന്നത്.