പൃഥ്വിരാജിന്‍റെ ശസ്ത്രക്രിയ പൂർത്തിയായി

കൊച്ചി: സിനിമയുടെ ചിത്രീകരണത്തിനിടെ പരിക്കേറ്റ നടൻ പൃഥ്വിരാജിന്‍റെ ശസ്ത്രക്രിയ പൂർത്തിയായി. കൊച്ചിയിലെ സ്വകാര്യ ആശുപത്രിയിലാണ് കാലിന്‍റെ ലിഗമെന്‍റിൽ കീഹോൾ ശസ്ത്രക്രിയ നടത്തിയത്.

ഇടുക്കി മറയൂരിൽ നവാഗതനായ ജയൻ നമ്പ്യാർ സംവിധാനം ചെയ്യുന്ന ‘വിലായത്ത് ബുദ്ധ’ എന്ന സിനിമയുടെ ചിത്രീകരണത്തിനിടെയാണ് നടന് കാലിന് പരിക്കേറ്റത്.

ബസിൽവെച്ചുള്ള സംഘട്ടന രംഗത്തിനിടെയാണ് അപകടം. തുടർന്ന് മറയൂരിലെ ആശുപത്രിയിൽ പ്രാഥമിക ശുശ്രൂഷ തേടിയ ശേഷം കൊച്ചിയിലെ ആശുപത്രിയിലേക്ക് മാറ്റുകയായിരുന്നു.