'എനിക്ക്​ യഥാർഥ രൂപം നഷ്​ടമായി, ഞാൻ ഞാനല്ലാതായി മാറി'; മൂക്കിന്​ നടത്തിയ ശസ്​ത്രക്രിയ പാളിയ അനുഭവം പങ്കുവെച്ച്​ പ്രിയങ്ക ചോപ്ര

ബോളിവുഡ്​ സൂപ്പർതാരം പ്രിയങ്ക ചോപ്രയുടെ ഓര്‍മകുറിപ്പുകളുടെ സമാഹാരം 'അൺഫിനിഷ്​ഡ്​' കഴിഞ്ഞ eദിവസമായിരുന്നു പുറത്തിറക്കിയത്​. മികച്ച പ്രതികരണം ലഭിക്കുന്ന സമാഹാരത്തിൽ താരം പല തുറന്നുപറച്ചിലുകളും നടത്തിയിരുന്നു. അത്തരത്തിൽ താരം വെളിപ്പെടുത്തിയ ഒരു സംഭവം വിവാദമായ സൗന്ദര്യ വർധക ശസ്​ക്രിയയായിരുന്നു. ഇതുവരെ അക്കാര്യത്തിൽ മിണ്ടാതിരുന്ന താരം ആത്മകഥയിൽ അതി​െൻറ സത്യാവസ്ഥ വെളിപ്പെടുത്തി.

ലോകസുന്ദരി പട്ടം നേടി ചരിത്രം സൃഷ്​ടിച്ചതിന്​ തൊട്ടുപിന്നാലെ താനൊരു മെഡിക്കൽ അപകടം നേരിട്ടതായി പ്രിയങ്ക പറഞ്ഞു. 2001ലായിരുന്നു സംഭവം. നീണ്ടു നിൽക്കുന്ന ജലദോശവും മറ്റ്​ ശ്വാസ തടസ്സവും കാരണം താരം ഡോക്​ടറെ കാണുകയായിരുന്നു. എന്നാൽ, മൂക്കിലെ അറയിൽ ഒരു ശ്ലേഷ്​മ പടലം തള്ളി നിൽക്കുന്നുണ്ടെന്നും അത് ശസ്ത്രക്രിയയിലൂടെ നീക്കം ചെയ്യേണ്ടതുണ്ടെന്നുമാണ്​ ഡോക്​ടർ പരിഹാരമായി നിർദേശിച്ചത്​.

ഒരു സാധാരണ ശസ്​ത്രക്രിയ ആയതിനാൽ കാര്യമായി ആശങ്കപ്പെടേണ്ടതില്ലെന്ന ചിന്തയിലായിരുന്നു താനെന്ന്​ പ്രിയങ്ക പറഞ്ഞു. 'എന്നാൽ, വലിയ പിഴവ്​ സംഭവിക്കുക തന്നെ ചെയ്​തു. അബദ്ധവശാൽ മൂക്കി​െൻറ പാലം തന്നെ തകരുന്നതിലേക്ക്​ നയിച്ചു. ബാൻഡേജ്​ നീക്കം ചെയ്യുന്ന ഘട്ടത്തിൽ മാത്രമാണ്​ സംഭവിച്ച കാര്യങ്ങൾ ഡോക്​ടർ വെളിപ്പെടുത്തിയത്​. അത്​ കേട്ടതും ഞാനും അമ്മയും ഞെട്ടിത്തരിച്ചുപോയി. -പ്രിയങ്ക പറഞ്ഞു.

എനിക്ക്​ എ​െൻറ യഥാർഥ മൂക്ക്​ നഷ്​ടമായി, എ​െൻറ മുഖം ആകെ മാറി. ഞാൻ ഞാനല്ലാതായി മാറി. പരാജയമായ ആ ശസ്ത്രക്രിയ ത​െൻറ ആത്മവിശ്വാസം പൂർണ്ണമായും നശിപ്പിച്ചതായി നടി ഒാർമിച്ചു. പ്രത്യേകിച്ചും അത് ത​െൻറ കരിയറി​െൻറ തുടക്കം മാത്രമായിരുന്നുവെന്നും താരം വ്യക്​തമാക്കി.

ഞാൻ കണ്ണാടിയിലേക്ക്​ നോക്കിയപ്പോഴൊക്കെ ഒരു അപരിചിത എന്നെ തിരിഞ്ഞുനോക്കി. "എ​െൻറ ആത്മബോധമോ ആത്മാഭിമാനമോ ഒരിക്കലും ആ ആഘാതത്തിൽ നിന്ന് കരകയറുമെന്ന് ഞാൻ കരുതിയില്ല." മാധ്യമങ്ങൾ ത​െൻറ പുതിയ രൂപത്തെ എത്രത്തോളം മോശമായി ചിത്രീകരിച്ചു എന്നതും സങ്കടത്തോടെ താരം ഒാർത്തെടുത്തു. പലരും അത്​ സൗന്ദര്യ വർധക ശസ്​ത്രക്രിയ നടത്തിയതാണെന്ന്​ പറഞ്ഞ്​ പരിഹസിച്ചുവെന്നും പ്രിയങ്ക കുറിച്ചു.

ത​െൻറ രൂപം പഴയതുപോലെയാക്കുന്നതിനായി ഒന്നിലധികം ശസ്​ത്രക്രിയകൾക്ക്​ വിധേയമായിട്ടുണ്ടെന്നും അവർ വെളിപ്പെടുത്തി. ത​െൻറ ഇപ്പോഴുള്ള രൂപം സ്വീകരിക്കാനും ആസ്വദിക്കാനും ഞാൻ പഠിച്ചു. ഇൗ രൂപത്തെ അംഗീകരിക്കാൻ കുറച്ച്​ കാലമെടുത്തു. ഇപ്പോൾ കണ്ണാടിയിലേക്ക്​ നോക്കു​േമ്പാൾ എനിക്ക്​ യാതൊരു ആശ്ചര്യവും തോന്നാറില്ല. ചെറിയ മാറ്റമുള്ള എന്നെ ഞാൻ അംഗീകരിച്ചുകഴിഞ്ഞു. ഇത്​ എ​െൻറ മുഖമാണ്, എ​െൻറ ശരീരമാണ്​, എനിക്ക്​ ചില പിഴവുകളുണ്ടായിരിക്കാം... എന്നാലും ഞാൻ ഞാനാണ്​. -പ്രിയങ്ക ചോപ്ര ജൊനാസ്​ കൂട്ടിച്ചേർത്തു.

ത​െൻറ ഭൂതകാലമാണ്​ പുതിയ ഓര്‍മകുറിപ്പുകളിലൂടെ താരം തുറന്നുകാട്ടുന്നത്​. രണ്ട്​ പതിറ്റാണ്ടുകൾ നീണ്ട സിനിമാ ജീവിതവും അവിടുത്തെ സംഭവബഹുലമായ അനുഭവങ്ങളും അമേരിക്കയിൽ പഠിക്കു​േമ്പാഴും പോപ്​ ഗായകൻ നിക്ക്​ ജൊനാസുമായുള്ള വിവാഹത്തി​െൻറ സമയത്തും നേരിട്ട വംശീയ അധിക്ഷേപവുമൊക്കെ അൺഫിനിഷ്​ഡിൽ പ്രിയങ്ക കുറിച്ചിട്ടുണ്ട്​.