കോവിഡ്​ ബാധിച്ച ആരാധകനുവേണ്ടി സൂപ്പർ താരം രജനീകാന്ത്​ ചെയ്​തത്​

ത​െൻറ ആരാധകനുവേണ്ടി പ്രാർഥിച്ചും രോഗമുക്​തി ആശംസിച്ചും തമിഴ്​ സൂപ്പർസ്​റ്റാർ രജനീകാന്ത്​. ശബ്​ദ സന്ദേശമായാണ്​ അദ്ദേഹം ആരാധകനോട്​ സംസാരിച്ചത്​. നട​െൻറ ആരാധകനായ മുരളി കോവിഡ് -19 ബാധിച്ച്​ വൃക്ക സംബന്ധമായ പ്രശ്നങ്ങളുമായി ആശുപത്രിയിൽ പ്രവേശിപ്പിച്ചിരിക്കുകയാണ്​. മുരളിക്കാണ്​ രജനി ശബ്​ദസന്ദേശം അയച്ചത്​.

അസുഖം ഭേദമായശേഷം ത​െൻറ വീട്ടിലേക്ക്​ വരണമെന്നും​ ആരാധകനെയും കുടുംബത്തെയും രജനി ക്ഷണിച്ചു. കോവിഡ്​ ബാധിച്ച മുരളിയെ വെൻറിലേറ്ററിൽ പ്രവേശിപ്പിച്ചിരുന്നു. മുരളിയുടെ മകൻ ദർശനാണ്​ രജനിയുടെ സന്ദേശം ട്വിറ്ററിൽ പങ്കുവച്ചത്​.

⁦@rajinikanth⁩ ஆசிர்வாதம் கிடைத்தது, அதிசயம் நடந்தது அற்புதம் நிகழ்ந்தது. கொரோனா நெகடிவ் வந்தது. தலைவர் காவலர்களின் பிரார்த்தனையால் எனது கிட்னி யும் சரி ஆகி மீண்டும் பழைய நிலைக்கு வருவேன். உங்கள் பிரார்த்தனைக்கு நன்றி 🙏. ⁦@mayavarathaan⁩ ⁦⁦@imravee⁩ 👇🏿 pic.twitter.com/G9iYKBxKgZ

— Darshan (@Darshan47001815) September 17, 2020

'മുരളി, ഞാൻ രജനീകാന്താണ്​ സംസാരിക്കുന്നത്​. നിങ്ങൾക്ക് ഒന്നും സംഭവിക്കില്ല. ആത്മവിശ്വാസത്തോടെയിരിക്കുക. ഞാൻ ദൈവത്തോട് പ്രാർത്ഥിക്കും. നിങ്ങൾ ഉടൻ സുഖം പ്രാപിച്ച് വീട്ടിലേക്ക് മടങ്ങും. നിങ്ങൾ സുഖം പ്രാപിച്ചുകഴിഞ്ഞാൽ , ദയവായി നിങ്ങളുടെ കുടുംബാംഗങ്ങൾക്കൊപ്പം എ​െൻറ വീട് സന്ദർശിക്കുക. ഞാൻ നിങ്ങളെ കാണുകയും നിങ്ങൾക്കായി പ്രാർഥിക്കുകയും ചെയ്യും. ആത്മവിശ്വാസത്തോടെയിരിക്കുക'-എന്നാണ്​ ഒാഡിയോയിലുള്ളത്​.

'അദ്ദേഹത്തി​െൻറ അനുഗ്രഹം ലഭിച്ചു. വൃക്ക സംബന്ധമായ പ്രശ്നങ്ങളിൽ നിന്ന് ഉടൻ സുഖം പ്രാപിക്കുമെന്നും ഉടൻ കോവിഡ് നെഗറ്റീവ് ആകുമെന്നും ഞാൻ പ്രതീക്ഷിക്കുന്നു. താങ്കളുടെ പ്രാർഥനയ്ക്ക് നന്ദി'-എന്ന കുറിപ്പോടെയാണ്​ ദർശൻ ശബ്​ദസന്ദേശം പങ്കുവച്ചിരിക്കുന്നത്​.മുംബൈയിൽ താമസിക്കുന്ന മുരളി നിലവിൽ രോഗത്തിൽ നന്ന്​ മുക്​തിനേടിക്കൊണ്ടിരിക്കുകയാണ്​​. നിലവിൽ അദ്ദേഹം അപകടാവസ്​ഥ പിന്നിട്ടതായാണ്​ വിവരം.