റോബർട്ട്​ പാറ്റിൻസണ്​ കോവിഡ്​; ബാറ്റ്​മാൻ ചിത്രീകരണം നിർത്തി

ലണ്ടൻ: ബ്രിട്ടീഷ്​ നടൻ റോബർട്ട്​ പാറ്റിൻസണിന്​ കോവിഡ്​ സ്​ഥിരീകരിച്ചുവെന്ന റിപ്പോർട്ടുകളെ തുടർന്ന്​​ 'ബാറ്റ്​മാൻ' സിനിമയുടെ ചിത്രീകരണം നിർത്തിവെച്ചു​.

ബ്രിട്ടനിൽ സിനിമ നിർമാണത്തിനിടെ ഒരാൾക്ക്​ കോവിഡ്​ സ്​ഥിരീകരിച്ചതിനാൽ സൂപ്പർ ഹീറോ ചിത്രത്തിൻെറ ചിത്രീകരണം താൽക്കാലികമായി നിർത്തിവെച്ചതായി നിർമാതാക്കളായ വാർണർ ബ്രോസ്​ പ്രസ്​താവനയിലൂടെ അറിയിച്ചു.

എന്നാൽ രോഗം ബാധിച്ച വ്യക്തിയുടെ പേര്​ അവർ വെളിപ്പെടുത്തിയില്ല. എത്ര നാളത്തേക്കാണ്​ ചിത്രീകരണം നിർത്തിവെച്ചതെന്നും വ്യക്തമല്ല. ഹോളിവുഡ്​ റിപ്പോർട്ടറും വാനിറ്റി ഫെയറും അടക്കമുള്ള പ്രമുഖ മാധ്യമങ്ങൾ പാറ്റിൻസണിനാണ്​ രോഗബാധയെന്ന്​ റിപ്പോർട്ട്​ ചെയ്​തു.

പാറ്റിൻസണിൻെറ പ്രതിനിധികളും വാർണർ ​ബ്രോസും ഇതിനെതിരെ ഇതുവരെ പ്രതികരിച്ചിട്ടില്ല. 34കാരനായ പാറ്റിൻസൺ 'ട്വിലൈറ്റ്​' സിനിമ പരമ്പരകളിലൂടെയാണ്​പ്രശസ്​തനായത്​.

മാർച്ച്​ പകുതിയിൽ ചിത്രീകരണം നിലച്ച ശേഷം മൂന്ന്​ ദിവസങ്ങൾക്ക്​ മുമ്പ്​ മാത്രമാണ്​ ബാറ്റ്​മാൻ നോർത്​ ലണ്ടനിൽ ഷൂട്ടിങ്​ പുനരാരംഭിച്ചത്​. മാറ്റ് റീവ്‌സാണ് ചിത്രം സംവിധാനം ചെയ്യുന്നത്. ചിത്രം 2021ല്‍ റിലീസ് ചെയ്യാനായിരുന്നു തീരുമാനം.