'വെണ്ണിലാ' ആയി സായ്​പല്ലവി; വിരാട പർവ്വം ഏപ്രിൽ 30ന്​ തിയറ്ററുകളിൽ

സായ്​ പല്ലവി നായികയാവുന്ന ബഹുഭാഷാ ചിത്രമായ വിരാട പർവ്വത്തിന്‍റെ പുതിയ പോസ്റ്റ്ർ പുറത്തുവിട്ട്​ അണിയറക്കാർ. ഇതോടൊപ്പം സായ്​പല്ലവിയുടെ സിനിമയിലെ പേരും വെളിപ്പെടുത്തിയിട്ടുണ്ട്​. വെണ്ണിലാ എന്ന കഥാപാത്രമായാണ്​ സായ്​ പല്ലവി സിനിമയിലെത്തുന്നത്​. വിരാട പർവ്വം ഏപ്രിൽ 30ന്​ തീയറ്ററുകളിലെത്തുമെന്നും പ്രഖ്യാപിച്ചിട്ടുണ്ട്​. ഗ്രമീണ പെൺകുട്ടിയുടെ വേഷമാണ്​ സിനിമയിലെന്നാണ്​ സൂചന.

ബാഹുബലി സിനിമയിലെ വില്ലൻ കഥാപാത്രമായി തിളങ്ങിയ റാണ ദഗ്ഗുബതിയുടെ കഥാപാത്രത്തിന്‍റെ സഹോദരിയായാണ്​ സായ്​ സിനിമയിൽ എത്തുന്നത്​. തെല​ുങ്ക്​ സംവിധായകനായ വേണു ഉഡുഗുല സംവിധാനം ചെയ്യുന്ന ചിത്രത്തിൽ നവീൻ ചന്ദ്ര, സറീന വഹാബ്, ഈശ്വരി റാവു, സായ് ചന്ദ് എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. ലോക്​ഡൗൺ മാനദണ്ഡങ്ങളിൽ ഇളവ് അനുവദിക്കുന്നതിന് കേന്ദ്രസർക്കാർ അംഗീകാരം നൽകിയതിനെത്തുടർന്നാണ് ചിത്രത്തിന്‍റെ ഷൂട്ടിംഗ് പുനരാരംഭിച്ചത്.

.@Sai_Pallavi92 will leave you spellbound as 'Vennela' ❤️#ViraataParvam Releasing on 30th April 2021.#ViraataParvamOnApril30@RanaDaggubati @nanditadas @venuudugulafilm @dancinemaniac #Priyamani @Naveenc212 @sureshbobbili14 @SLVCinemasOffl @SureshProdns pic.twitter.com/ekld71upg1

— Suresh Productions (@SureshProdns) January 28, 2021

സുധാകർ ചെറിയുരിയാണ് നിർമാതാവ്. ഡാനി സാഞ്ചസ് ലോപ്പസ്, ദിവാകർ മണി എന്നിവരാണ് ക്യാമറ കൈകാര്യം ചെയ്യുന്നത്. നക്​സൽ വിഷയം കൈകാര്യം ചെയ്യുന്ന സിനിമയിൽ പ്രിയ മണി, നന്ദിത ദാസ് എന്നിവരും പ്രമുഖ വേഷങ്ങളിൽ എത്തുന്നുണ്ട്​.