'നല്ലവരായ ആൾക്കാരോട് ജീവിക്കാൻ വലിയ പാടാ'; സൗബിൻ ചിത്രം അയൽവാശിയുടെ ട്രെയിലർ
text_fieldsസൗബിൻ ഷാഹിറിനെ കേന്ദ്രകഥാപാത്രമാക്കി മുഹ്സിൻ പെരാരിയുടെ സഹോദരൻ ഇർഷാദ് പെരാരി ആദ്യമായി സംവിധാനം ചെയ്യുന്ന ചിത്രമാണ് 'അയൽവാശി'. ഏപ്രിൽ 21ന് പെരുന്നാൾ റിലീസായി എത്തുന്ന ചിത്രത്തിന്റെ ട്രെയിലർ പുറത്തുവിട്ട് അണിയറപ്രവർത്തകർ. തല്ലുമാലയുടെ വൻ വിജയത്തിന് ശേഷം ആഷിഖ് ഉസ്മാൻ പ്രൊഡക്ഷൻസിന്റെ ബാനറിൽ ആഷിഖ് ഉസ്മാനും, മുഹ്സിൻ പെരാരിയും ചേർന്നാണ് ചിത്രം നിർമിക്കുന്നത്. സെൻട്രൽ പിക്ചേർസാണ് ചിത്രം പ്രദർശനത്തിന് എത്തിക്കുന്നത്.
തമാശയുടെ പശ്ചാത്തലത്തിലാണ് അണിയറ പ്രവർത്തകർ ട്രെയിലർ ഒരുക്കിയിരിക്കുന്നത്. സൗഹൃദത്തിനും കുടുംബബന്ധങ്ങൾക്കും പ്രധാന്യം നൽകി കൊണ്ടുള്ള ഒരു മുഴുനീള കോമഡി- ഫാമിലി എന്റർടെയ്നറാണ് ചിത്രമെന്നാണ് ട്രെയിലർ നൽകുന്ന സൂചന.
സൗബിനെ കൂടാതെ നിഖില വിമൽ, ലിജോ മോൾ, ബിനു പപ്പു, നെസ്ലിൻ, ഗോകുലൻ, കോട്ടയം നസീർ, വിജയരാഘവൻ തുടങ്ങിയവരാണ് മറ്റുപ്രധാന കഥാപാത്രത്തെ അവതരിപ്പിക്കുന്നത്. ഛായാഗ്രഹകൻ - സജിത് പുരുഷൻ, സംഗീതം - ജെയ്ക്സ് ബിജോയ്, പ്രൊഡക്ഷൻ കോണ്ട്രോളർ - സുധാർമ്മൻ വള്ളിക്കുന്ന്, പ്രൊജക്ട് ഡിസൈനർ - ബാദുഷ എൻ എം, മേക്കപ്പ് - റോണക്സ് സേവ്യർ, വസ്ത്രാലങ്കാരം - മഷർ ഹംസ, അസ്സോസിയേറ്റ് ഡയറക്റ്റേർസ് - നഹാസ് നസാർ, ഓസ്റ്റിൻ ഡോൺ, സ്റ്റിൽസ് - രോഹിത് കെ സുരേഷ്, പോസ്റ്റർ ഡിസൈൻസ് - യെല്ലോടൂത്ത്, ഡിജിറ്റൽ പ്രൊമോഷൻസ് - സെബാൻ ഒബ്സ്ക്യൂറ, മീഡിയ പ്ലാനിംഗ് & മാർക്കറ്റിംഗ് ഡിസൈൻ - പപ്പെറ്റ് മീഡിയ.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.