മറാത്തി സംവിധായിക സുമിത്ര ഭവെ അന്തരിച്ചു

പുണെ: വിഖ്യാത മറാത്തി ചലച്ചിത്ര സംവിധായികയും എഴുത്തുകാരിയുമായ സുമിത്ര ഭവെ അന്തരിച്ചു. 78 വയസ്സായിരുന്നു. രണ്ടു മാസത്തോളമായി ശ്വസനസംബന്ധമായ അസുഖത്തെ തുടർന്ന്​ ചികിത്സയിലായിരുന്നു. മഹാരാഷ്​ട്രയിലെ സ്വകാര്യ ആശുപത്രിയിൽ തിങ്കളാഴ്​ച രാവിലെ ആയിരുന്നു അന്ത്യം.

മൂന്നര പതിറ്റാണ്ടിലേറെ സിനിമ, സംഗീത രംഗത്ത്​ സംഭാവനകൾ അർപ്പിച്ചു. നിരവധി ദേശീയ, അന്തർദേശീയ പുരസ്​കാരങ്ങൾ നേടിയിട്ടുണ്ട്​. സാമൂഹിക പ്രവർത്തക, അധ്യാപിക, വാർത്താവതാരക തുടങ്ങി മേഖലകളിലും പ്രവർത്തിച്ചു.

1985ൽ ഭവെ ത​െൻറ ആദ്യ ഹ്രസ്വ ചിത്രം 'ഭായ്'​ എടുത്തു. ഒരു സ്​ത്രീയുടെ ചേരിയിലെ ജീവിതം പറയുന്ന ഈ ചിത്രം നിരവധി ദേശീയ പുരസ്​കാരങ്ങൾ നേടി. 1995ൽ എടുത്ത 'ദോഗി'​ നാഷനൽ ഫിലിം അവാർഡ്​ കരസ്​ഥമാക്കി. ഭവെക്ക്​ ഒരു മകൾ ഉണ്ട്​. അവരും എഴുത്തുകാരിയാണ്​.