ഇരക്കും വേട്ടക്കാരനുമൊപ്പം! വക്കീൽ വേഷത്തിൽ സുരേഷ് ഗോപി; ‘ജെഎസ്കെ’-ടീസർ

സുരേഷ് ഗോപി, അനുപമ പരമേശ്വരൻ എന്നിവരെ കേന്ദ്ര കഥാപാത്രങ്ങളാക്കി പ്രവീൺ നാരായണൻ തിരക്കഥയെഴുതി സംവിധാനം ചെയ്യുന്ന ചിത്രമാണ് ‘ജെഎസ്കെ’. ചിത്രത്തിന്റെ ടീസർ പുറത്തുവിട്ട് അണിയറപ്രവർത്തകർ. സുരേഷ് ഗോപിയുടെ പിറന്നാളിനോടനുബന്ധിച്ചാണ് ടീസർ റിലീസ് ചെയ്തിരിക്കുന്നത്.

ജാനകി V/S സ്റ്റേറ്റ് ഓഫ് കേരള എന്നതാണ് ‘ജെഎസ്കെ’. സുരേഷ് ഗോപിയുടെ 250ാത്തെ ചിത്രമാണിത്. വക്കീൽ വേഷത്തിലാണ് താരം എത്തുന്നത്. ഒരു ഇടവേളക്ക് ശേഷം സുരേഷ് ഗോപി വക്കീൽ വേഷത്തിൽ എത്തുന്നു എന്ന പ്രത്യേകത ‘ജെഎസ്കെ'ക്കുണ്ട്. കോർട് റൂം ഡ്രാമ വിഭാഗത്തില്‍പെടുന്ന സിനിമയാണിത്. ചിത്രികരണം നടന്നു വരികയാണ്.

കോസ്മോസ് എന്റർടെയ്ൻമെന്റിന്റെ ബാനറിൽ കിരൺ നിർമിക്കുന്ന ഈ ചിത്രത്തിന്റെ ഛായാഗ്രഹണം രണദിവ നിർവഹിക്കുന്നത്. എഡിറ്റിങ് -സംജിത് മുഹമ്മദ്, മ്യൂസിക് ഗിരീഷ് നാരായണൻ, ഡിജിറ്റൽ മാർക്കറ്റിങ് -എന്റർടൈൻമെന്റ് കോർണർ, മീഡിയ കൺസൾട്ടന്റ് - വൈശാഖ് വടക്കേവീട് ജിനു അനിൽകുമാർ, വൈശാഖ്, പി.ആർ.ഒ - എ.എസ്. ദിനേശ്.