'പൊളിയാവാണ്ടൊന്നും ജീവിക്കാൻ പറ്റൂല്ല മോളെ'...; ദ ഗ്രേറ്റ്​ ഇന്ത്യൻ കിച്ചൺ ടീസർ VIDEO

തൊണ്ടിമുതലും ദൃക്​സാക്ഷിയും എന്ന ഹിറ്റ്​ ചിത്രത്തിന്​ ശേഷം സുരാജ്​ വെഞ്ഞാറമൂറും നിമിഷ സജയനും ജോഡികളായി അഭിനയിക്കുന്ന ചിത്രമായ 'ദ ഗ്രേറ്റ്​ ഇന്ത്യൻ കിച്ചണി'​െൻറ ടീസർ പുറത്തുവിട്ടു. കിലോമീറ്റേര്‍സ് ആന്‍ഡ് കിലോമീറ്റേര്‍സ് എന്ന ടൊവിനോ ചിത്രത്തിന് ശേഷം ജിയോ ബോബി രചന നിർവഹിച്ച്​ സംവിധാനം ചെയ്യുന്ന ചിത്രത്തിന്​ കാമറ ചലിപ്പിക്കുന്നത്​ സാലു കെ. തോമസാണ്​.

അടുക്കളകളിൽ തളച്ചിടപ്പെടുന്ന സ്​ത്രീകളെ കുറിച്ചും പുരുഷാധിപത്യത്തെ കുറിച്ചുമെല്ലം ചർച്ച ചെയ്യുന്ന ചിത്രമാണ്​ 'ദ ഗ്രേറ്റ് ഇന്ത്യന്‍ കിച്ചണ്‍'എന്നാണ്​ ടീസർ നൽകുന്ന സൂചന. ഡിജോ അഗസ്റ്റിന്‍, ജോമോന്‍ ജേക്കബ്, വിഷ്ണു രാജന്‍, സജിന്‍ എസ് രാജ് എന്നിവര്‍ ചേര്‍ന്നാണ് ചിത്രം നിര്‍മ്മിച്ചിരിക്കുന്നത്. സൂരജ്​ എസ്​ കുറുപ്പാണ്​ സംഗീത സംവിധാനം. ഫ്രാന്‍സിസ് ലൂയിസ് എഡിറ്റിങും നിർവഹിക്കുന്നു.