ഫാമിലി ആക്ഷൻ ത്രില്ലറുമായി വീണ്ടും എസ്‌.ജെ. സിനു; അമിത്‌ ചക്കാലയ്ക്കൽ നായകനാകുന്ന 'തേര്‌'

കൊച്ചി: ബ്ലൂഹിൽ നെയ്‌ൽ കമ്മ്യൂണിക്കേഷന്‍റെ ബാനറിൽ ജോബി പി. സാം നിർമിച്ച് എസ്.ജെ. സിനു സംവിധാനം ചെയ്യുന്ന പുതിയ ചിത്രമാണ്​ 'തേര്​'. 'ജിബൂട്ടി'ക്ക്‌ ശേഷം അമിത്‌ ചക്കാലയ്ക്കൽ നായകനാകുന്ന ചിത്രമാണിത്​. ചതുരംഗക്കളവും അതിലെ തേരും പൊലീസ്‌ തൊപ്പിയും വിലങ്ങും തോക്കും ഉൾപ്പെട്ട പശ്ചാത്തലത്തിലുള്ള പോസ്റ്റർ, നിയമങ്ങൾക്കും നിയമപാലകർക്കും എതിരെയുള്ള നായകന്‍റെ പോരാട്ടമാകും ഈ ചിത്രമെന്ന സൂചന നൽകുന്നുണ്ട്‌. ബാബുരാജ്, കലാഭവൻ ഷാജോൺ, വിജയരാഘവൻ, സഞ്ജു ശിവറാം, പ്രശാന്ത് അലക്സാണ്ടർ, ശ്രീജിത്ത് രവി, അസീസ് നെടുമങ്ങാട്, ഷെഫീഖ്, സ്മിനു സിജോ, റിയ സൈറ, ആർ.ജെ. നിൽജ തുടങ്ങിയവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്‌.

തിരക്കഥ, സംഭാഷണം: ഡിനിൽ പി.കെ., ഛായാഗ്രഹണം: ടി.ഡി. ശ്രീനിവാസ്, എക്സിക്യൂട്ടിവ് പ്രൊഡ്യൂസർ: തോമസ് പി. മാത്യൂ, എഡിറ്റർ: സംജിത് മുഹമ്മദ്, സംഗീതം: യാക്സൻ & നേഹ, ആർട്ട്: പ്രശാന്ത് മാധവ് ടി., പ്രൊഡക്ഷൻ കൺട്രോളർ: ബിജു കെ. തോമസ്, ചീഫ് അസോസിയേറ്റ് ഡയറക്ടർ: അനിരുദ്ധ് സന്തോഷ്, കോസ്റ്റ്യൂം: അരുൺ മനോഹർ, മേക്കപ്പ്: ആർജി വയനാടൻ, സ്റ്റിൽസ്: രാംദാസ് മാത്തൂർ, ഡിസൈൻ: മനു ഡാവിഞ്ചി, പി.ആർ.ഒ: പ്രതീഷ് ശേഖർ, പി. ശിവപ്രസാദ്‌, ഡിജിറ്റൽ മാർക്കറ്റിങ്​:‌ എം. ആർ പ്രൊഫഷണൽ.