സിനിമ ഷൂട്ടിങ്ങിനായി വനഭൂമിയിലെ മരങ്ങൾ മുറിച്ച സംഭവം;‘ടോ​ക്സി​ക്’ന്റെ നിർമാതാക്കൾക്കെതിരെ കേസ്

ബം​ഗ​ളൂ​രു: ക​ന്ന​ട ന​ട​ൻ യാ​ഷി​നെ നാ​യ​ക​നാ​ക്കി മ​ല​യാ​ളി സം​വി​ധാ​യി​ക ഗീ​തു മോ​ഹ​ൻ​ദാ​സ് സം​വി​ധാ​നം ചെ​യ്യു​ന്ന ‘ടോ​ക്സി​ക്’ സി​നി​മ​യു​ടെ ചി​ത്രീ​ക​ര​ണ​ത്തി​നാ​യി 100ലേ​റെ മ​ര​ങ്ങ​ൾ വെ​ട്ടി​ന​ശി​പ്പി​ച്ച സംഭവത്തിൽ സിനിമ നിർമാതാക്കൾക്കെതിരെ കേസെടുത്തു.

നിര്‍മാതാക്കളായ കെ.വി.എന്‍ മാസ്റ്റര്‍മൈന്‍ഡ് ക്രിയേഷന്‍സ്, കനറാ ബാങ്ക് ജനറല്‍ മാനേജര്‍, എച്ച്.എം.ടി ജനറല്‍ മാനേജര്‍ എന്നിവര്‍ക്കെതിരെയാണ് കർണാടക വനംവകുപ്പ് കേസെടുത്തത്.

ബം​ഗ​ളൂ​രു പീ​നി​യ​യി​ലെ ഹി​ന്ദു​സ്ഥാ​ൻ മെ​ഷീ​ൻ ടൂ​ൾ​സ് (എ​ച്ച്.​എം.​ടി) വ​ള​പ്പി​ൽ നിന്ന് 100ലേ​റെ മ​ര​ങ്ങ​ളാണ് മുറിച്ചത്. സം​ഭ​വ​ത്തി​ൽ സി​നി​മ നി​ർ​മാ​താ​ക്ക​ൾ​ക്കെ​തി​രെ ന​ട​പ​ടി​യെ​ടു​ക്കാ​ൻ ക​ർ​ണാ​ട​ക വ​നം​മ​ന്ത്രി ഈ​ശ്വ​ർ ഖ​​ണ്ഡ്രെ നി​ർ​ദേ​ശം ന​ൽ​കിയിരുന്നു. ക​ഴി​ഞ്ഞ ദി​വ​സം മ​ന്ത്രി എ​ച്ച്.​എം.​ടി​യി​ലെ വ​ന​ഭൂ​മി സ​ന്ദ​ർ​ശി​ച്ച് സാ​ഹ​ച​ര്യം വി​ല​യി​രു​ത്തി​യ ശേ​ഷ​മാ​ണ് ന​ട​പ​ടി​ക്ക് നി​ർ​ദേ​ശം ന​ൽ​കി​യ​ത്.

കേന്ദ്രസര്‍ക്കാര്‍ സ്ഥാപനമായ എച്ച്.എം.ടിയും സംസ്ഥാന വനംവകുപ്പും തമ്മില്‍ പീനിയയിലെ 599 ഏക്കര്‍ ഭൂമിയുടെ പേരിലുള്ള തര്‍ക്കമാണ് സിനിമയുടെ അണിയറപ്രവര്‍ത്തകരെ കുഴപ്പത്തിലാക്കിയത്. 1900 ത്തിന്റെ തുടക്കത്തിൽ ഈ പ്രദേശം വനഭൂമിയായി അടയാളപ്പെടുത്തിയിരുന്നു. എന്നിരുന്നാലും, 1960കളിൽ, ഇത് ഡി-നോട്ടിഫിക്കേഷൻ കൂടാതെ എ​ച്ച്.​എം.​ടിയിലേക്ക് കൈമാറ്റം ചെയ്യപ്പെട്ടിരുന്നു.

വ​നം​വ​കു​പ്പി​​ന്റെ 599 ഏ​ക്ക​ർ ഭൂ​മി എ​ച്ച്.​എം.​ടി​യു​ടെ കൈ​യി​ലു​ണ്ടെ​ന്നും അ​വ തി​രി​ച്ചു​പി​ടി​ക്കു​മെ​ന്നും, 300 കോ​ടി​യോ​ളം വ​രു​ന്ന 165 ഏ​ക്ക​ർ ഭൂ​മി എ​ച്ച്.​എം.​ടി അ​ധി​കൃ​ത​ർ സ്വ​കാ​ര്യ -സ​ർ​ക്കാ​ർ ഏ​ജ​ൻ​സി​ക​ൾ​ക്ക് വി​റ്റ​താ​യും മ​ന്ത്രി പറഞ്ഞിരുന്നു. പീ​നി​യ​യി​ൽ പ്ലാ​ന്റേ​ഷ​ൻ- ഒ​ന്ന്, പ്ലാ​ന്റേ​ഷ​ൻ -ര​ണ്ട് എ​ന്നി​ങ്ങ​നെ വി​ജ്ഞാ​പ​നം ന​ട​ത്തി​യ റി​സ​ർ​വ് ഫോ​റ​സ്റ്റാ​യ 599 ഏ​ക്ക​ർ 1960ക​ളി​ൽ വി​ജ്ഞാ​പ​നം റ​ദ്ദാ​ക്കാ​തെ എ​ച്ച്.​എം.​ടി​ക്ക് കൈ​മാ​റു​ക​യാ​യി​രു​ന്നെ​ന്ന് മ​ന്ത്രി ചൂ​ണ്ടി​ക്കാ​ട്ടി.