കോവിഡ്​ പ്രോ​േട്ടാക്കോൾ പാലിച്ച്​ ദൃശ്യം 2; ലൊക്കേഷൻ ചിത്രവുമായി മോഹൻലാൽ

2013ൽ പുറത്തിറങ്ങിയ സസ്​പെൻസ്​ ത്രില്ലറായ ദൃശ്യം മലയാളത്തിലെ എക്കാലത്തെയും വലിയ പണംവാരിപ്പടമായിരുന്നു. ഹിന്ദിയും തമിഴും ചൈനീസുമടക്കം ഏഴ്​ ഭാഷകളിലേക്കാണ്​ ചിത്രം റീമേക്ക്​ ചെയ്യപ്പെട്ടത്​. ദൃശ്യത്തി​െൻറ രണ്ടാംഭാഗത്തി​െൻറ ചിത്രീകരണം നിലവിൽ പുരോഗമിക്കുകയാണ്​. കോവിഡിനെതുടർന്നുള്ള ലോക്​ഡൗണ്​ ശേഷം മലയാളസിനിമയിൽ പുതുതായി ചിത്രീകരണം ആരംഭിച്ച്​ ആദ്യ സിനിമകളിലൊന്നാണ്​ ദൃശ്യം 2.

കോവിഡ്​ പ്രോ​േട്ടാക്കോൾ പാലിച്ചാണ്​ സിനിമ നിർമാണം പുരോഗമിക്കുന്നത്.ചിത്രത്തി​െൻറ ലൊക്കേഷൻ ചിത്രങ്ങൾ നേരത്തെ നടൻ മോഹൻലാൽ പങ്കുവച്ചിരുന്നു. അതെല്ലാം ആരാധകർ ഏ​െറ്റടുക്കുകയും വൈറലാവുകയും ചെയ്​തിരുന്നു. അവസാനം അദ്ദേഹം പങ്കുവച്ചത്​ സിനിമ സെറ്റിൽ ശരീര താപനില പരിശോധിക്കുന്ന ചിത്രമാണ്​. മാസ്​ക്​ ധരിച്ചാണ്​ നടനുൾപ്പടെയുള്ളവരെ ചിത്രത്തിൽ കാണുന്നത്​. ആയുർവേദ ചികിത്സക്ക്​ ശേഷം ശരീരഭാരം കുറച്ചിരിക്കുകയാണ്​ നടൻ. കഴിഞ്ഞ ദിവസം നടൻ ത​െൻറ പുതിയ ടൊയോട്ട വെൽഫെയർ എം.പി.വിയിൽ ദൃശ്യം സെറ്റിൽ വന്നിറങ്ങുന്ന വീഡിയൊ ആരാധകർ ഏറ്റെടുത്തിരുന്നു.

#Drishyam2 Location Pic pic.twitter.com/lmqzVpRfqJ

— Mohanlal (@Mohanlal) October 12, 2020

ദൃശ്യം പുറത്തിറങ്ങി ഏഴ്​ വർഷത്തിന്​ ശേഷം ഒരുങ്ങുന്ന രണ്ടാം ഭാഗത്തി​ൽ ചിത്രത്തി​െൻറ പഴയ അണിയറക്കാർ തന്നെയാണ്​ പ്രവർത്തിക്കുന്നത്​. മോഹൻലാലിനെയും മീനയെയും കൂടാതെ മക്കളായി അഭിനയിച്ച അൻസിബ ഹസൻ, എസ്തർ അനിൽ എന്നിവരും ചിത്രത്തിലുണ്ട്​. ജോർജ് കുട്ടി, റാണി, അഞ്ചു, അനുമോൾ എന്നീ കഥാപാത്രങ്ങളായാണ്​ ഇവർ എത്തുന്നത്​. ത​െൻറ 60ാം പിറന്നാൾ ദിനത്തിൽ മോഹൻലാലാണ്​ ചിത്രത്തി​െൻറ ഔദ്യോഗിക പ്രഖ്യാപനം നിർവഹിച്ചത്​. ആശീർവാദ് സിനിമാസി​െൻറ ബാനറിൽ ആൻറണി പെരുമ്പാവൂർ തന്നെയാണ് രണ്ടാം ഭാഗവും നിർമിക്കുന്നത്.