സുധ ചന്ദ്രന്‍റെ പിതാവും നടനുമായ കെ.ഡി. ചന്ദ്രൻ അന്തരിച്ചു

മുംബൈ: അഭിനേത്രിയും നർത്തകയുമായ സുധ ചന്ദ്രന്‍റെ പിതാവും നടനുമായ കെ.ഡി. ചന്ദ്രൻ അന്തരിച്ചു. ഹൃദയാഘാതം മൂലം മുംബൈയിലെ സ്വകാര്യ ആശുപത്രിയിലായിരുന്നു​ അന്ത്യം. 86 വയസായിരുന്നു.

മറവി രോഗം മൂലം മേയ്​ 12നാണ്​ ആശുപത്രിയിൽ പ്രവേശിപ്പിച്ചത്​. 'ഹം ഹേ രഹി ഹേ പ്യാർ കേ' എന്ന ചിത്രത്തിൽ ജൂഹി ചൗളയുടെ പിതാവായി അഭിനയിച്ച വേഷം ശ്രദ്ധിക്കപ്പെട്ടിരുന്നു.

തേരേ മേരേ സപ്​നേ, ജബ്​ പ്യാർ കിസിസെ ഹോത്താ ഹേ, ചൈന ഗേറ്റ്​, പുകാർ, ഹർ ദിൽ ജോ പ്യാർ കരേഗ, ശരാരത്​, കോയ്​ മിൽ ഗയ എന്നിവയാണ്​ പ്രധാന ചിത്രങ്ങൾ. ടി.വി പരമ്പരയായ ഗുൽമോഹറിലും അഭിനയിച്ചു.