വിജയ് ആന്‍റണിയുടെ പുതിയ ചിത്രം അഞ്ച്​ ഭാഷകളിൽ; ടീസർ ഇറങ്ങി

വിജയ് ആന്‍റണിയെ നായകനാക്കി ആനന്ദ കൃഷ്ണന്‍ സംവിധാനം ചെയ്യുന്ന പുതിയ സിനിമ റിലീസ്​​ ചെയ്യുന്നത്​ അഞ്ച്​ ഭാഷകളിൽ. തമിഴ്​, മലയാളം, തെലുങ്ക്, കന്നഡ, ഹിന്ദി എന്നീ ഭാഷകളിലാണ്​ ചിത്രം വരുന്നത്​. തമിഴിൽ 'കോടിയിൽ ഒരുവൻ' എന്നും മറ്റ്​ ഭാഷകളിൽ 'വിജയരാഘവൻ' എന്നും പേരിട്ടിരിക്കുന്ന സിനിമയുടെ ടീസറും അഞ്ചു ഭാഷകളിലായി ഇറങ്ങി.

ആത്മികയാണ് നായിക. ഇന്‍ഫിനിറ്റി ഫിലിംസ് വെഞ്ചേഴ്​സ്​ അവതരിപ്പിക്കുന്ന സിനിമ ചേണ്ടൂര്‍ ഫിലിം ഇന്‍റര്‍നാഷണലിന്‍റെയും ടി.ഡി. രാജയുടേയും ബാനറില്‍ ടി.ഡി. രാജയും ഡി.ആര്‍. സഞ്ജയ് കുമാറും ചേർന്നാണ്​ നിർമിക്കുന്നത്​. ഛായാഗ്രഹണം-എന്‍.എസ്. ഉദയകുമാര്‍,

സംഗീതം-നിവാസ് കെ. പ്രസന്ന, എഡിറ്റര്‍-വിജയ് ആന്‍റണി, കോ പ്രൊഡ്യൂസേഴ്​സ്​-കമല്‍ ബോഹ്‌റ, ലളിത ധനഞ്ജയന്‍, ബി. പ്രദീപ്, പങ്കജ് ബൊഹ്‌റ, എസ്​. വിക്രം കുമാര്‍, ഡിസൈന്‍- ശിവ ഡിജിറ്റല്‍ ആര്‍ട്, പി.ആര്‍.ഒ-എ.എസ്. ദിനേശ്.