'പുഷ്പ-2' റിലീസിനിടെ തിക്കിലും തിരക്കിലും പെട്ട് യുവതിക്ക് ദാരുണാന്ത്യം; മൂന്നു പേർക്ക് ഗുരുതര പരിക്ക് -വിഡിയോ

ഹൈദരാബാദ്: അല്ലു അർജുൻ നായകനായ 'പുഷ്പ-2' സിനിമയുടെ റിലീസ് ഷോയ്ക്കിടെ ഉണ്ടായ തിക്കിലും തിരക്കിലും പെട്ട് യുവതിക്ക് (35) ദാരുണമരണം. ഇവരുടെ ഒൻപത് വയസ്സുള്ള മകൻ ഉൾപ്പെടെ മൂന്നു പേർക്ക് ഗുരുതര പരിക്കേറ്റു.

ഹൈദരാബാദിലെ ചിക്കഡ്പള്ളിയിലെ സന്ധ്യതിയേറ്ററിൽ ബുധനാഴ്ച രാത്രി 9.30 നായിരുന്നു സംഭവം. റിലീസിനോടനുബന്ധിച്ച് അല്ലുഅർജുനും സംഗീത സംവിധായകൻ ശ്രീപ്രസാദും തിയേറ്ററിൽ എത്തിയിരുന്നു. അല്ലു അർജുനെ കാണാൻ ജനങ്ങൾ ഇരച്ചുകയറിയതോടെയാണ് തിക്കിലും തിരക്കിലും പെട്ട് ശ്വാസം അപകടമുണ്ടായത്.

ജനക്കൂട്ടത്തെ നിയന്ത്രിക്കാവാതെ വന്നതോടെ പൊലീസ് ലാത്തിവീശിയാണ് ജനത്തെ പിരിച്ചുവിട്ടത്.