അർജിത്തിനെയും മയക്കി കുമ്പളങ്ങിയിലെ 'ചെരാതുകൾ'; സന്തോഷം പങ്കുവെച്ച്​ സിത്താര

കഴിഞ്ഞ വർഷത്തെ ഏറ്റവും മികച്ച മലയാള ചിത്രങ്ങളിലൊന്നായ കുമ്പളങ്ങി നൈറ്റ്​സിലെ അതിമനോഹരമായ ഗാനമാണ്​ സിത്താര കൃഷ്​ണകുമാർ ആലപിച്ച 'ചെരാതുകൾ'. അൻവർ അലിയുടെ കവിത പോലുള്ള വരികൾക്ക് സുശിൻ ശ്യാമി​െൻറ താരാട്ടുപാട്ടി​െൻറ ഇൗണമുള്ള സംഗീതവും ചേർന്നതോടെ ഭാഷകൾക്കതീതമായി പാട്ട്​ എല്ലാവരും നെഞ്ചിലേറ്റി. ​ഒടുവിൽ ബോളിവുഡിലെ നമ്പർ വൺ ഗായകനും ചെരാതുകളിൽ മയങ്ങി ത​െൻറ ഇഷ്​ടമറിയിച്ചിരിക്കുകയാണ്​.

അർജിത്​ സിങ്ങാണ്​ സമൂഹ മാധ്യമ അക്കൗണ്ടിൽ 'ഒരു മാസ്റ്റർ പീസ്​' എന്ന അടിക്കുറിപ്പോടെ ചെരാതുകൾ പങ്കുവെച്ചത്​. അത്​ സ്​ക്രീൻ ഷോട്ട്​ എടുത്ത സിതാര ത​െൻറ ഇൻസ്റ്റഗ്രാമിൽ സന്തോഷമറിയിച്ച്​ രംഗത്തെത്തി. 'ചിരാതുകൾ' കൊണ്ടുവരുന്ന സന്തോഷങ്ങൾ' എന്നായിരുന്നു അടിക്കുറിപ്പ്​. പോസ്റ്റിൽ സംഗത സംവിധായകൻ സുഷിനെയും മെൻഷൻ ചെയ്​തിട്ടുണ്ട്​.

ദിലീഷ്​ പോത്ത​െൻറ അസിസ്റ്റൻറായിരുന്ന മധു സി നാരായണന്‍ സംവിധാനം ചെയ്ത കുമ്പളങ്ങി നൈറ്റ്‌സില്‍ ഫഹദ് ഫാസില്‍, സൗബിന്‍ ഷാഹിര്‍, ശ്രീനാഥ് ഭാസി, ഷെയിന്‍ നിഗം, മാത്യു തോമസ്, അന്ന ബെന്‍, ഗ്രേസ് ആൻറണി എന്നിവരായിരുന്നു പ്രധാനകഥാപാത്രങ്ങളെ അവതരിപ്പിച്ചത്.