അരിജിത്​ സിങ്​ പാടുന്നു

ബോളിവുഡിലെ ഏറ്റവും മധുരതരമായ സ്വരങ്ങളിലൊന്നായ അരിജിത് സിങിനെ കേൾക്കാൻ ദുബൈക്കാർക്ക്​ വീണ്ടും അവസരം. ഫെബ്രുവരി നാലിന്​ കൊക്ക കോള അരീനയിലാണ്​ സംഗീത നിശ.

കഴിഞ്ഞ വെള്ളിയാഴ്ചയായിരുന്നു പരിപാടി നിശ്​ചയിച്ചിരുന്നതെങ്കിലും അരിജിതിനും ഭാര്യക്കും​ കോവിഡ്​ പോസിറ്റീവായതോടെ തീയതി മാറ്റുകയായിരുന്നു. കഴിഞ്ഞ വർഷം നവംബറിൽ അബൂദബി ഇത്തിഹാദ്​ അരീനയിലും അരിജിത്​ സിങ്​ തകർത്തുവാരിയിരുന്നു. നിറസദസിലായിരുന്നു പരിപാടി.

ലേറ്റസ്റ്റ്​ ഹിറ്റായ 'അഗർ തും സാത്​ ഹോ' കേൾക്കാൻ വേണ്ടി മാത്രം ടിക്കറ്റെടുക്കുന്നവരുണ്ട്​. നേരത്തെ ടിക്കറ്റെടുത്തവരുടെ ടിക്കറ്റ്​ ഫെബ്രുവരി നാലിലേക്ക്​ മാറ്റി നൽകിയിട്ടുണ്ട്​. പുതിയ തീയതിയിൽ പ​ങ്കെടുക്കാൻ കഴിയാത്തവർക്ക്​ റീ ഫണ്ട്​ നൽകുകയും ചെയ്തിരുന്നു. 250 ദിർഹം മുതൽ 20,000 ദിർഹം വരെയാണ്​ ടിക്കറ്റ്​ നിരക്ക്​.

dubai.platinumlist.net എന്ന വെബ്​സൈറ്റിലൂടെ ടിക്കറ്റ്​ ബുക്ക്​ ചെയ്യാം. രാത്രി ഏഴ്​ മുതലാണ്​ പരിപാടി. പി.സി.ആർ പരിശോധന ഫലം നിർബന്ധമില്ല.