ആ നാദം നിലച്ചിട്ട് അരനൂറ്റാണ്ട്; വി​സ്മ​യ​ശ​ബ്ദ​ത്താ​ൽ അ​ന​ശ്വ​ര​നാ​യി ചെ​മ്പൈ

പാ​ല​ക്കാ​ട്: 70 വ​ർ​ഷ​ത്തെ സം​ഗീ​ത​ത​പ​സ്യ​യി​ലൂ​ടെ അ​ന​ശ്വ​ര​നാ​യ ചെ​മ്പൈ വൈ​ദ്യ​നാ​ഥ ഭാ​ഗ​വ​ത​ർ അ​ര​ങ്ങൊ​ഴി​ഞ്ഞി​ട്ട് ഒ​ക്ടോ​ബ​ർ 16ന് ​അ​ര​നൂ​റ്റാ​ണ്ട്. നാ​ദ​വി​സ്മ​യ​ത്താ​ൽ ക​ർ​ണാ​ട​ക​സം​ഗീ​ത​ത്തെ പ്ര​ശ​സ്തി​യു​ടെ ഉ​ന്ന​തി​യി​ലെ​ത്തി​ച്ച ചെ​മ്പൈ ഒ​രു​പാ​ട് ശി​ഷ്യ​രു​ടെ ഗു​രു​സ്ഥാ​നീ​യ​നു​മാ​ണ്. ജാ​തി-​മ​ത-​വ​ർ​ണ-​വ​ർ​ഗ വ്യ​ത്യാ​സ​മി​ല്ലാ​തെ ആ​രാ​ണോ സം​ഗീ​തം ആ​വ​ശ്യ​പ്പെ​ടു​ന്ന​ത് അ​ത് സ്ഥ​ല​കാ​ലം നോ​ക്കാ​തെ ന​ൽ​കു​മെ​ന്ന​താ​യി​രു​ന്നു അ​ദ്ദേ​ഹ​ത്തി​ന്റെ സ​വി​ശേ​ഷ​ത​യെ​ന്ന് ശി​ഷ്യ​നാ​യി​രു​ന്ന മ​ണ്ണൂ​ർ രാ​ജ​കു​മാ​ര​നു​ണ്ണി ഓ​ർ​ക്കു​ന്നു. 1896 ആ​ഗ​സ്റ്റ് 28ന് ​ചി​ങ്ങ​മാ​സ​ത്തി​ലെ ഭ​ര​ണി ന​ക്ഷ​ത്ര​ത്തി​ൽ കോ​ഴി​ക്കോ​ട് വ​ട​ക​ര​ക്ക​ടു​ത്തു​ള്ള ലോ​ക​നാ​ർ​ക്കാ​വ് ക്ഷേ​ത്ര​ത്തി​ന​ടു​ത്ത മാ​തൃ​ഗൃ​ഹ​ത്തി​ലാ​യി​രു​ന്നു വൈ​ദ്യ​നാ​ഥ ഭാ​ഗ​വ​ത​രു​ടെ ജ​ന​നം. അ​രി​യ​ക്കു​ടി രാ​മാ​നു​ജ അ​യ്യ​ങ്കാ​ർ, മ​ഹാ​രാ​ജ​പു​രം വി​ശ്വ​നാ​ഥ അ​യ്യ​ർ, ചെ​മ്പൈ വൈ​ദ്യ​നാ​ഥ ഭാ​ഗ​വ​ത​ർ എ​ന്നി​വ​രാ​ണ് ക​ർ​ണാ​ട​ക സം​ഗീ​ത​ത്തി​ലെ അ​ഭി​ന​വ ത്രി​മൂ​ർ​ത്തി​ക​ൾ. ​യേ​ശു​ദാ​സ്, പി. ​ലീ​ല, ജ​യ​വി​ജ​യ​ൻ​മാ​ർ തു​ട​ങ്ങി മ​ല​യാ​ള ച​ല​ച്ചി​ത്ര​രം​ഗ​ത്തെ പ്ര​മു​ഖ​രെ​ല്ലാം ചെ​മ്പൈ​​​​യു​ടെ ശി​ഷ്യ​രാ​ണ്.

സം​ഗീ​ത ക​ലാ​നി​ധി പ​ദ​വി, കേ​ന്ദ്ര നാ​ട​ക അ​ക്കാ​ദ​മി പു​ര​സ്കാ​രം, പ​ത്മ​ഭൂ​ഷ​ൺ തു​ട​ങ്ങി​യ നി​ര​വ​ധി പു​ര​സ്കാ​ര​ങ്ങ​ൾ നേ​ടി​യ ചെ​മ്പൈ​യെ കൊ​ച്ചി, മൈ​സൂ​ർ, ബ​റോ​ഡ, വി​ജ​യ​ന​ഗ​രം, ജ​യ്‌​പു​ർ എ​ന്നി​വി​ട​ങ്ങ​ളി​ലെ രാ​ജാ​ക്ക​ന്മാ​രും ആ​ദ​രി​ച്ചു. ഒ​ള​പ്പ​മ​ണ്ണ മ​ന​യു​മാ​യി ചെ​മ്പൈ​ക്ക് ഹൃ​ദ​യ​ബ​ന്ധ​മേ​റെ​യാ​യി​രു​ന്നു. വ​ള്ളു​വ​നാ​ട്ടി​ൽ എ​വി​ടെ ക​ച്ചേ​രി ന​ട​ത്തി​യാ​ലും ഭാ​ഗ​വ​ത​ർ താ​മ​സി​ച്ചി​രു​ന്ന​ത് മ​ന​യി​ലാ​യി​രു​ന്നു. ഒ.​എം.​സി വാ​സു​ദേ​വ​ൻ ന​മ്പൂ​തി​രി​പ്പാ​ട്, പൂ​മു​ള്ളി രാ​മ​പ്പ​ൻ ന​മ്പൂ​തി​രി​പ്പാ​ട് തു​ട​ങ്ങി​യ​വ​ർ ചെ​മ്പൈ​യു​ടെ ശി​ഷ്യ​രാ​ണ്. മ​ന​യു​ടെ വ​ക​യാ​യു​ള്ള പൂ​ഴി​ക്കു​ന്നം ശ്രീ​കൃ​ഷ്ണ​ക്ഷേ​ത്ര​ത്തി​ലാ​ണ് ചെ​മ്പൈ ആ​ദ്യ ക​ച്ചേ​രി ന​ട​ത്തി​യ​ത്. അ​വ​സാ​ന ക​ച്ചേ​രി​യും അ​വി​ടെ​യാ​യി​രു​ന്നു എ​ന്ന​ത് മ​റ്റൊ​രു നി​യോ​ഗം.

78ാം വ​യ​സ്സി​ൽ 1974 ഒ​ക്ടോ​ബ​ർ 16ന് ​ഒ​റ്റ​പ്പാ​ലം പൂ​ഴി​ക്കു​ന്ന് ശ്രീ​കൃ​ഷ്ണ​സ്വാ​മി ക്ഷേ​ത്ര​ത്തി​ൽ ന​വ​രാ​ത്രി സം​ഗീ​തോ​ത്സ​വ ക​ച്ചേ​രി അ​വ​ത​രി​പ്പി​ച്ച​ശേ​ഷം ഒ​ള​പ്പ​മ​ണ്ണ മ​ന​യി​ൽ ശി​ഷ്യ​ൻ വാ​സു​ദേ​വ​ൻ ന​മ്പൂ​തി​രി​പ്പാ​ടി​നൊ​പ്പ​മി​രു​ന്ന് സം​സാ​രി​ക്കു​ന്ന​തി​നി​ടെ പെ​ട്ടെ​ന്ന് കു​ഴ​ഞ്ഞു​വീ​ഴു​ക​യാ​യി​രു​ന്നു. ഉ​ട​ൻ മ​ര​ണം സം​ഭ​വി​ച്ചു. ‘അ​നാ​യാ​സേ​ന മ​ര​ണം’ എ​ന്നാ​യി​രു​ന്നു നി​ത്യ​പ്രാ​ർ​ഥ​ന. അ​ത് ഗു​രു​വാ​യൂ​ര​പ്പ​ൻ കേ​ട്ടെ​ന്ന് ഒ​ടു​വി​ല​ത്തെ ക​ച്ചേ​രി​ക്ക് കൂ​ടെ​യു​ണ്ടാ​യി​രു​ന്ന​വ​ർ ഓ​ർ​ത്തെ​ടു​ക്കു​ന്നു. മ​ര​ണ​ത്തി​നു​മു​മ്പ് പൂ​ഴി​ക്കു​ന്ന് ക്ഷേ​ത്ര​ത്തി​ലെ​ത്തി​യ അ​ദ്ദേ​ഹം, ‘ഇ​നി ത​ന്നെ വി​ളി​ച്ചു​കൂ​ടേ’ എ​ന്ന് ചോ​ദി​ച്ച​താ​യി പ​റ​യു​ന്നു. ജ​ന്മ​നാ​ടാ​യ ചെ​മ്പൈ ഗ്രാ​മ​ത്തി​ലാ​യി​രു​ന്നു സം​സ്കാ​രം. ഗാ​ന​ങ്ങ​ളി​ലൂ​ടെ​യും ചെ​മ്പൈ സം​ഗീ​തോ​ത്സ​വ​ങ്ങ​ളി​ലൂ​ടെ​യും ആ ​ഓ​ർ​മ​ക​ൾ എ​ക്കാ​ല​വും കെ​ടാ​നാ​ള​മാ​യി നി​ല​നി​ൽ​ക്കു​ന്നു.