ദൈവം തൊട്ട വിരലുകൾ

ദീ​ർ​ഘ​കാ​ലം പു​റം​ലോ​ക​ത്തു​നി​ന്ന് അ​ക​ന്നു​നി​ന്നു​കൊ​ണ്ട് സം​ഗീ​ത​ത്തി​നു വേ​ണ്ടി​മാ​ത്രം ജീ​വി​ക്കു​ന്ന, പ​ഞ്ചാ​ബ് ഘ​രാ​ന​ക്കാ​രു​ടെ ചി​ല്ല ക​ട്‌​നാ എ​ന്ന അ​നു​ഷ്ഠാ​നം അ​ല്ലാ ര​ഖാ​യും മ​ക​ൻ സാ​ക്കി​ർ ഹു​സൈ​നും മു​റ​തെ​റ്റാ​തെ ശീ​ലി​ച്ചി​ട്ടു​ണ്ട്

ത​ബ​ല​യി​ൽ ഒ​രു നാ​ദ​പ്ര​പ​ഞ്ചം​ത​ന്നെ നി​ർ​മി​ച്ച ഉ​സ്താ​ദ് സാ​ക്കി​ർ ഹു​സൈ​ൻ വി​ട​വാ​ങ്ങു​ന്നു. ഹി​ന്ദു​സ്താ​നി സം​ഗീ​ത​പ്രേ​മി​ക​ൾ മാ​ത്ര​മ​ല്ല, ക്ലാ​സി​ക്ക​ൽ സം​ഗീ​ത​ത്തോ​ട് ഏ​റെ ബ​ന്ധ​മി​ല്ലാ​ത്ത സാ​ധാ​ര​ണ​ക്കാ​ർ​പോ​ലും ഈ ​വി​യോ​ഗ​ത്തി​ൽ ദുഃ​ഖി​ക്കു​ന്നു. ലോ​ക​മെ​ങ്ങു​മു​ള്ള സം​ഗീ​ത​ജ്ഞ​ർ ന​ഷ്ട​ബോ​ധ​ത്തി​ന്റെ ശൂ​ന്യ​ത അ​നു​ഭ​വി​ക്കു​ന്നു. സം​ഗീ​ത​ലോ​ക​ത്തെ ഗ്ര​സി​ക്കു​ന്ന ഈ ​അ​ഗാ​ധ​വി​ഷാ​ദം അ​ത്ര സ്വാ​ഭാ​വി​ക​മാ​ണ്. കാ​ര​ണം, ദേ​ശ​ങ്ങ​ളെ​യും പ​ല മ​ട്ടി​ൽ വി​ഭ​ജി​ത​രാ​യ മ​നു​ഷ്യ​രെ​യും നാ​ദ​സ​ഞ്ച​യ​ത്തി​ലൂ​ടെ ഒ​രു​മി​പ്പി​ക്കാ​നു​ള്ള ക​ല​യു​ടെ അ​പൂ​ർ​വ സി​ദ്ധി​യാ​യി​രു​ന്നു സാ​ക്കി​ർ ഹു​സൈ​ന്റെ കൈ​മു​ത​ൽ. മാ​ന്ത്രി​ക​മാ​യ ആ ​വി​ര​ലു​ക​ൾ നി​ശ്ച​ല​മാ​കു​ന്ന​ത് ആ​ർ​ക്കാ​ണ് സ​ങ്ക​ൽ​പി​ക്കാ​ൻ പോ​ലു​മാ​വു​ക!

കാ​ൽ നൂ​റ്റാ​ണ്ടു​മു​മ്പ് അ​ദ്ദേ​ഹ​ത്തോ​ടൊ​പ്പം കു​റ​ച്ചു ദി​വ​സം ചെ​ല​വ​ഴി​ക്കാ​നു​ള്ള അ​പൂ​ർ​വ​ഭാ​ഗ്യം എ​നി​ക്കു​ണ്ടാ​യി​ട്ടു​ണ്ട്. 1997ൽ ​വാ​ന​പ്ര​സ്ഥം എ​ന്ന ച​ല​ച്ചി​ത്ര​ത്തി​നു​വേ​ണ്ടി ഗാ​ന​ര​ച​ന നി​ർ​വ​ഹി​ച്ച​പ്പോ​ഴാ​യി​രു​ന്നു അ​ത്. ആ ​ചി​ത്ര​ത്തി​ന്റെ സം​ഗീ​ത​സം​വി​ധാ​നം സാ​ക്ഷാ​ൽ സാ​ക്കി​ർ ഹു​സൈ​ൻ! വ​ലു​പ്പ​ച്ചെ​റു​പ്പ​മി​ല്ലാ​തെ ആ​ളു​ക​ളോ​ട് കു​ശ​ലം പ​ങ്കു​വെ​ക്കു​ക​യും ത​മാ​ശ​ക​ൾ പ​റ​ഞ്ഞു പൊ​ട്ടി​ച്ചി​രി​ക്കു​ക​യും ചെ​യ്യു​ന്ന അ​ദ്ദേ​ഹ​ത്തി​ന്റെ പെ​രു​മാ​റ്റ​വും സം​ഗീ​തം​പോ​ലെ മ​നോ​ഹ​ര​മാ​യി​രു​ന്നു. പ​ത്തു വി​ര​ലു​ക​ൾ​കൊ​ണ്ട് ത​ബ​ല​യി​ൽ അ​ദ്ദേ​ഹം ഭാ​ഷ​ക്കും ദേ​ശ​ത്തി​നും അ​തീ​ത​മാ​യ സം​ഗീ​ത​ത്തി​ന്റെ ഭാ​ഷ സൃ​ഷ്ടി​ച്ചു. അ​തി​ന​പ്പു​റം ഓ​രോ സം​സ്കാ​ര​ത്തി​ന്റെ​യും സം​വേ​ദ​ന​ശീ​ല​ങ്ങ​ൾ അ​ദ്ദേ​ഹം അ​നാ​യാ​സം ഉ​ൾ​ക്കൊ​ണ്ട​ു.

ത​ബ​ല​വാ​യ​ന​യി​ൽ താ​ന​വ​ത​രി​പ്പി​ക്കു​ന്ന സ​ങ്കീ​ർ​ണ​മാ​യ ക​ണ​ക്കു​ക​ളെ കു​ട്ടി​ത്തം നി​റ​ഞ്ഞ ഒ​രു ചി​രി​കൊ​ണ്ട് അ​ദ്ദേ​ഹം പു​റ​മേ മ​റ​യ്ക്കും. ആ ​വി​ര​ലു​ക​ളു​ടെ അ​ദ്ഭു​ത​ക​ര​മാ​യ വേ​ഗം ത​ബ​ല​വാ​യ​ന അ​ത്ര​ക്ക് അ​നാ​യാ​സം എ​ന്നു തോ​ന്നി​പ്പി​ക്കും. സാ​റാ ബ​ർ​ദീ​ൻ എ​ന്ന ക​ലാ​നി​രൂ​പ​ക പ​ണ്ടേ പ​റ​ഞ്ഞു: ‘സാ​ക്കി​ർ ഹു​സൈ​ന്റെ അ​വ​ത​ര​ണം കാ​ണു​ന്ന​ത് മാ​ന്ത്രി​ക​മാ​യ അ​നു​ഭ​വ​മാ​ണ്. ക​ണ്ണു​ക​ൾ​ക്കെ​ത്താ​നാ​വാ​ത്ത വേ​ഗ​ത​യി​ൽ അ​ദ്ദേ​ഹ​ത്തി​ന്റെ വി​ര​ലു​ക​ൾ പ​റ​ക്കു​ന്നു; കൂ​ടെ​യു​ള്ള സം​ഗീ​ത​ജ്ഞ​രെ വൈ​കാ​രി​ക​മാ​യി മ​ന​സ്സി​ലാ​ക്കി​ക്കൊ​ണ്ട് അ​വ​രോ​ടു ചേ​ർ​ന്നു​പോ​വു​ക​യും ചെ​യ്യു​ന്നു.’

ഇ​ന്ത്യ​യി​ൽ ഹ​രി​പ്ര​സാ​ദ് ചൗ​ര​സ്യ​യു​ടെ ബാം​സു​രി​ക്കും കു​ന്ന​ക്കു​ടി വൈ​ദ്യ​നാ​ഥ​ന്റെ വ​യ​ലി​നു​മൊ​പ്പം സാ​ക്കി​ർ ഹു​സൈ​ൻ ത​ബ​ല വാ​യി​ക്കു​മ്പോ​ൾ നാം ​ഇ​ത് അ​നു​ഭ​വി​ച്ച​താ​ണ​ല്ലോ. അ​ന്നൊ​ക്കെ അ​തേ ഉ​പ​ക​ര​ണ​ങ്ങ​ളോ​ടു ചേ​ർ​ന്ന് ത​ബ​ല ഒ​രു സു​ഷി​ര​വാ​ദ്യ​മോ ത​ന്ത്രി​വാ​ദ്യ​മോ​പോ​ലെ സ്വ​രാ​ത്മ​ക​സം​ഗീ​തം പൊ​ഴി​ച്ച​തു കേ​ട്ട് വി​സ്മ​യി​ക്കാ​ത്ത​വ​ർ ആ​രു​ണ്ട്!

അ​ദ്ദേ​ഹ​ത്തി​ന്റെ പി​താ​വും ത​ബ​ല​വാ​യ​ന​യി​ലെ ഇ​തി​ഹാ​സ​വു​മാ​യ അ​ല്ലാ ര​ഖാ വാ​ദ​ന​ശൈ​ലി​യി​ൽ പ​ഞ്ചാ​ബ് ഘ​രാ​ന​യി​ലു​ൾ​പ്പെ​ടു​ന്ന ക​ലാ​കാ​ര​നാ​ണ്. പി​ൽ​ക്കാ​ല​ത്ത് ഇ​ന്ത്യ​യി​ലും പാ​കി​സ്താ​നി​ലു​മാ​യി മു​റി​ഞ്ഞു​പോ​കു​ന്ന​തി​നു​മു​മ്പു​ള്ള പ​ഞ്ചാ​ബി​ന്റെ പൊ​തു​വാ​യ സം​ഗീ​ത​ശൈ​ലി​യാ​ണ​ത്. മ​റ്റു പ്ര​ദേ​ശ​ങ്ങ​ളി​ലെ ശൈ​ലി​ക​ളി​ൽ​നി​ന്ന് പ​ഞ്ചാ​ബ് ഘ​രാ​ന​യെ വേ​റി​ട്ടു​നി​ർ​ത്തു​ന്ന ഒ​രു പ്ര​ധാ​ന​ഘ​ട​കം ത​ബ​ല​വാ​ദ​ന​രീ​തി​യി​ൽ​ത​ന്നെ പ​ഖ്‌​വാ​ജി​ന്റെ ചൊ​ല്ലു​ക​ൾ​കൂ​ടി സ​മ​ന്വ​യി​പ്പി​ക്കു​ന്ന പ​രി​ശീ​ല​ന പ​ദ്ധ​തി​യാ​ണ്. പ​ഞ്ചാ​ബ് ഘ​രാ​ന​ക്കാ​ർ പൊ​തു​വെ പി​ന്തു​ട​രു​ന്ന ചി​ല്ല ക​ട്‌​നാ എ​ന്ന അ​നു​ഷ്ഠാ​ന​വും എ​ടു​ത്തു​പ​റ​യേ​ണ്ട​തു​ണ്ട്. ദീ​ർ​ഘ​കാ​ലം പു​റം​ലോ​ക​ത്തു​നി​ന്ന് അ​ക​ന്നു​നി​ന്നു​കൊ​ണ്ട് സം​ഗീ​ത​ത്തി​നു വേ​ണ്ടി​മാ​ത്രം ജീ​വി​ക്കു​ക​യാ​ണ​തി​ന്റെ സ്വ​ഭാ​വം. അ​ല്ലാ ര​ഖാ​യും സാ​ക്കി​ർ ഹു​സൈ​നും ഇ​തു മു​റ​തെ​റ്റാ​തെ ശീ​ലി​ച്ചി​ട്ടു​ണ്ട്. ഉ​സ്‌​താ​ദ് ലാ​ൽ മു​ഹ​മ്മ​ദി​ന്റെ സ്വാ​ധീ​ന​വും മി​ർ കാ​ദ​ർ ബ​ക്ഷി​ന്റെ ശി​ക്ഷ​ണ​വും ചേ​ർ​ന്നു രൂ​പ​പ്പെ​ടു​ത്തി​യ അ​ല്ലാ ര​ഖാ​യു​ടെ​യും അ​തി​നെ പി​ൻ​പ​റ്റു​ന്ന സാ​ക്കി​ർ ഹു​സൈ​ന്റെ​യും വാ​ദ​ന​ത്തി​ലെ മാ​ന്ത്രി​ക​വേ​ഗ​ങ്ങ​ൾ​ക്ക് ഇ​വ​യൊ​ക്കെ കാ​ര​ണ​ങ്ങ​ളാ​യി​പ്പ​റ​യാം. പി​ൽ​ക്കാ​ല​ത്ത് സാ​ൻ​ഫ്രാ​ൻ​സി​സ്കോ ക്രോ​ണി​ക്കി​ൾ സാ​ക്കി​ർ ഹു​സൈ​നെ വി​ല​യി​രു​ത്തി​യ​തി​ങ്ങ​നെ: ‘പ​ത്തു വി​ര​ലു​ക​ൾ മാ​ത്ര​മു​പ​യോ​ഗി​ച്ച് ഹു​സൈ​ൻ വൈ​വി​ധ്യ​മു​ള്ള വാ​ദ്യ​ശ​ബ്ദ​ങ്ങ​ളു​ടെ ഓ​ർ​ക്ക​സ്ട്രാ നി​ർ​മി​ക്കു​ന്നു. മ​നു​ഷ്യ​ർ​ക്കു സാ​ധ്യ​മാ​കു​ന്ന​തി​നെ​ക്കാ​ൾ സ​മ​ഗ്ര​മാ​യ നി​യ​ന്ത്ര​ണ​ത്തോ​ടെ​യാ​ണ് അ​ദ്ദേ​ഹം സ്വ​ര​ങ്ങ​ളെ വാ​ദ്യ​ശ​ബ്‌​ദ​ത്തി​ലേ​ക്കാ​വാ​ഹി​ക്കു​ന്ന​തെ​ന്നു തോ​ന്നും’

പ്രി​യ​പ്പെ​ട്ട ഉ​സ്താ​ദ്, ആ ​കു​സൃ​തി​മു​ഖ​ത്തെ പു​ഞ്ചി​രി​യും വി​ര​ലു​ക​ൾ​കൊ​ണ്ടു​തീ​ർ​ത്ത നാ​ദ​പ്പെ​രു​ക്ക​വും ഉ​ള്ളി​ൽ​നി​ന്ന് മാ​യു​ന്നി​ല്ല. ആ ത​ബ​ല​യി​ൽ​നി​ന്നു​യ​ർ​ന്ന ​നാ​ദ​ശ​ല​ഭ​ങ്ങ​ൾ ഇ​പ്പോ​ഴും ലോ​ക​ത്തെ ചു​റ്റി ചി​റ​ക​ടി​ച്ചു പ​റ​ക്കു​ന്നു​ണ്ട്. അ​വ​യി​ലെ ദൈ​വ​സ്പ​ർ​ശ​നം ഇ​പ്പോ​ഴും ഞ​ങ്ങ​ൾ അ​നു​ഭ​വി​ക്കു​ന്നു.