ആ സർപ്രൈസ്​ പാട്ട്​ പാടി ഇമ്രാൻ ഖാൻ; റെക്കോർഡിങ്ങി​െൻറ സന്തോഷം പങ്കുവെച്ച്​ ഗോപി സുന്ദർ

സ്വകാര്യ ചാനലിലെ ഒരു റിയാലിറ്റി​ ഷോ വേദിയിൽ വെച്ച്​ ഗോപി സുന്ദർ ​ഇമ്രാൻ ഖാന്​ നൽകിയ വാക്ക്​ അദ്ദേഹം പാലിച്ചു.​ ഉപജീവനത്തായി കൊല്ലത്ത്​ ഓട്ടോറിക്ഷ ഡ്രൈവര്‍ ആയി ജോലി ചെയ്യുകയായിരുന്ന ഗായകനായ ഇമ്രാൻ സമീപകാലത്താണ്​ സമൂഹ മാധ്യമങ്ങളിൽ വൈറലായത്​. ബി.കെ ഹരിനാരായണ​െൻറ വരികൾക്ക്​ ഗോപി സംഗീതം നൽകിയ ഗാനം ഇമ്രാൻ ഖാൻ ആലപിച്ചു. ഗോപി സുന്ദറി​െൻറ സ്വന്തം സ്റ്റുഡിയോയിൽ വെച്ച്​ നടന്ന റെക്കോർഡിങ്​ സെഷ​െൻറ സന്തോഷം അദ്ദേഹം തന്നെ ഫേസ്​ബുക്കിൽ പങ്കുവെക്കുകയായിരുന്നു.

സന്തോഷവാനായ ഇമ്രാൻ ഖാനുമൊത്തുള്ള നിരവധി ചിത്രങ്ങളും അദ്ദേഹം പോസ്റ്റുചെയ്​തിട്ടുണ്ട്​. ''ഞങ്ങളുടെ റെക്കോര്‍ഡിംഗ് സെഷന്‍ ഇപ്പോള്‍ കഴിഞ്ഞതേയുള്ളൂ. പ്രതിഭാധനനായ ഈ ഗായകനൊപ്പമുള്ള അനുഭവം ഗംഭീരമായിരുന്നു. പ്രാര്‍ഥനയില്‍ ഞങ്ങളെ ഉള്‍പ്പെടുത്തുക. 'സംഗീതമേ' എന്നാരംഭിക്കുന്ന മനോഹരമായ ഗാനവുമായി ഇതാ ഞങ്ങൾ വരികയാണ്​...''​ -ഗോപി സുന്ദർ കുറിച്ചു.

റിയാലിറ്റി ഷോയിലൂടെ ജന മനസ്സിൽ ഇടംപിടിച്ച ഗായകനാണ്​ ഇമ്രാൻ ഖാൻ. ജീവിത പ്രാരാബ്ധങ്ങളെ തുടർന്ന്​ കലാജീവിതം മാറ്റിവെച്ച്​ മറ്റ്​ ജോലികളിലേക്ക്​ ശ്രദ്ധ കേന്ദ്രീകരിച്ച ഇമ്രാൻ സമീപ കാലത്ത്​ വീണ്ടും സമൂഹ മാധ്യമങ്ങളിൽ ചർച്ചാ വിഷയമായി. കൊല്ലത്ത്​ ഓട്ടോറിക്ഷ ഡ്രൈവര്‍ ആയ ഇമ്രാൻ ഇടക്ക്​ പാട്ടുകൾ സമൂഹ മാധ്യമങ്ങളിൽ പങ്കുവെക്കാറുണ്ടായിരുന്നു. അവ വൈറലാവുകയും അതിന്​ പിന്നാലെ സ്വകാര്യ ചാനലിലെ പരിപാടിയിൽ പ​െങ്കടുക്കാൻ അവസരം ലഭിക്കുകയും ചെയ്​തു.

ആ പരിപാടിയിൽ വെച്ച്​ ഗോപി സുന്ദർ ഒരു പാട്ട്​ പാടാനുള്ള അവസരം നൽകാമെന്ന വാഗ്​ദാനവും നൽകി. കഴിഞ്ഞ ദിവസം ഇമ്രാ​െൻറ ഒാ​േട്ടായിൽ യാത്രക്കാരനായി കയറിയ ഗോപി സുന്ദർ ഒരു സർപ്രൈസായി ഗാനത്തിനുള്ള​ അഡ്വാൻസും​ ഏൽപ്പിക്കുകയായിരുന്നു.