അഖിലയുടെ ആലാപനവും ആര്യയുടെ നൃത്തവും; 'ജഗദോദ്ധാരണ' വേറെ ലെവൽ

കൊച്ചി: ഹൃദ്യമായ ആലാപനവും പ്രസന്നമായ ചുവടുകളും മികച്ച ദൃശ്യഭംഗിയും കൂടിച്ചേർന്ന്​ നൃത്ത-സംഗീത ആസ്വാദകർക്ക്​ പുത്തൻ അനുഭവം സമ്മാനിക്കുകയാണ്​ 'ജഗദോദ്ധാരണ'. ഗായിക അഖില ആനന്ദ്​ ആണ്​ ഈ സംഗീത–നൃത്ത ആവിഷ്കാര വിഡിയോ അവതരിപ്പിച്ചിരിക്കുന്നത്​. പുരന്ദരദാസൻ രചിച്ച, കാപ്പി രാഗത്തിലുള്ള 'ജഗദോദ്ധാരണ' എന്ന കൃതിയാണ് അഖില ആലപിച്ചിരിക്കുന്നത്. ഡോ. ആര്യ എ.ആർ നർത്തകിയായി എത്തുന്നു.

അഖിലയുടെ ആലാപനവും ആര്യയുടെ നൃത്തവും ഈ സംഗീത–നൃത്ത ആവിഷ്കാരത്തെ മറ്റൊരു തലത്തിലെത്തിക്കുന്നു എന്നാണ്​ ആസ്വാദകരുടെ അഭിപ്രായം. 'ജഗദോദ്ധാരണ' അറേഞ്ച് ചെയ്തതും മിക്സിങ്ങും മാസ്റ്ററിങ്ങും നിർവഹിച്ചതും സംഗീതസംവിധായകനും ഗായകനുമായ ഇഷാൻ ദേവ് ആണ്. ജസ്റ്റിൻ വയലിനിലും അലക്സ് മാത്യു ഗിറ്റാറിലും ഈണമൊരുക്കി. ഉസ്താദ് മഹേഷ് മണി മൃദംഗം വായിച്ചു. പ്രശാന്ത്​ കൃഷ്​ണയുടെ ഛായാഗ്രഹണവും ശോഭിൻ കെ. സോമന്‍റെ എഡിറ്റിങും മികച്ച ദൃശ്യഭംഗി സമ്മാനിക്കുന്നു.